提起手機充電器，大家都知道大部份充電器只有外形、容量、輸出功率上面嘅分別，各位 wire 民唔睇到悶，小編都寫到悶啦！不過，喺今年香港秋季電子產品展上面，小編經過 GOKI 攤位嘅時候就發現咗兩款擁有特異功能的充電器，唔知又會唔會引起大家嘅興趣呢？
相信唔少讀者都聽過 GOKI 呢個香港本土品牌，小記同設計總監 Frankie 傾過計，佢話 GOKI 聘請本土的設計師，特別了解香港人「咩都要快」的需要，產品會盡量加入香港人喜歡的元素，而且由起模、生產、QC 全部一條龍，產品質量更有保證。佢地旗下產品已購買意外責任保險，比起好多來歷不明的「山寨貨」自然用得更放心！相比起市場上面外形、功能一模一樣，來來去去都是單充、雙充、快充等等，GOKI 就特別為旗下的充電器加入唔少貼身功能，就好似以下嘅 GCB-1002 同埋 CXX-1222，除咗用上高貴皮革設計之外，仲分別可以用來撻車同埋自拍添，男女用家都同樣適合！
提供黑色 / 咖啡 / 粉紅等多色皮革選擇的 GOKI GCB-1002 內置特大的 14,800mAh 容量、單 USB 3A 輸出更可以撻起死火汽車（最高可以撻著 6,000cc 汽車）最多 15 次！除咗比起市面上一般只可以撻著 3000cc 汽車更「好力」外，仲唔駛驚唔記得充電冇得用，對一眾車主黎講，絕對係有備無患，無論你係職業司機定係 Sunday Driver 一樣咁有用！有咗 GCB-1002 就算死火都可以自己撻返著架車，隨時可以慳返比「過江龍」嘅錢同埋拖車費，死火都冇有怕！
一見到 GCB-1002 體積咁細，但係架車舊電咁大，相信大家都會有疑問「得唔得架」？ GCB-1002 有 4 重保護功能包括：防止過充、防止過放、防止短路及電流上限保護等，而且一偵測到連接有問題仲會有「Warning System」提示，不論你是日日揸車的老手還是第一次用外置電撻車的新牌仔都唔駛驚，因為佢有聲音提示充電是否成功，咁就唔駛估估下究竟充唔充到電嘞！另外，佢仲提供埋電筒及求救訊號燈，喺馬路死火都可以用來提醒其他司機，一物多用！它除了可用 12V 火牛充電之外，亦支援 MicroUSB 介面，不論是手機充電器或者用另一外置電都可以繼續充電，方便又實用！
黑色的小盒子就是 Warning System 提示系統，接上電源後便會亮起紅燈並且響起「咇咇」聲，當成功接上正負極充電便會停止響鬧，等待約 5 秒亮起藍燈後便可以「撻車」了！
車用充電線上的 USB 介面同樣支援 Quick Charge 2.0 快充功能！
Frankie 透露，呢條撻車充電線用咗超過 2000 條芯線，又加入了黑色的「Warning System」提示系統，用起黎絕對比旁邊又幼又短的國產貨更有信心。
相信各位讀者都贊成 Selfie 係近年最 Hit 嘅年輕人玩意，而呢款 GOKI CXX-1222 就肯定可以帶來「年輕」感覺。除咗大玩 6 隻鮮豔顏色機身之外，呢款充電器仲加入手機遙控自拍功能，啱哂各位喜歡自拍的女士啦！在 Android / iPhone 手機上安裝《Sonic Shutter》專用 app 之後，就可以按下充電器上面嘅 Shutter 按鍵，咁就唔怕一班朋友自拍時又要揸手機又要按 Shutter 又要 Set Timer 咁麻煩啦！就算手機前鏡頭唔夠 wide，又可以用「Rotate」快捷鍵切換前 / 後置鏡頭，咁就唔駛將 Set 好左喺「自拍神棍」上面嘅手機攞黎攞去啦，呢款加入特別自拍功能嘅充電器，大家又 like 唔 like 先？
除了上述兩款充電器，GOKI 仲喺今次嘅秋季電子產品展上面展出左好多款充電新品，以下就為大家簡介一下:
想知 GOKI 仲有咩新野嘅 wire 民，記得喺以下時間去灣仔會展 3C-A43 攤位睇吓啦！
日期：2015年10月13日 ‑ 15日(星期二至四)
時間：上午9時30分 ‑ 下午6時30分 / 2015年10月16日 (星期五) 上午9時30分 ‑ 下午5時
地點：香港會議展覽中心