皮膚 20歲之後會愈來愈差，以前一粒暗瘡印幾日就會淡，依家就成個月都仲係度，真係好擔心塊面會愈來愈多歲月痕跡。而我依莉詩最近就試用咗呢部 FaceTite 三源塑顏射頻機，一於睇下係咪真係可以減淡皺紋、抗衰老先！
市面上嘅射頻機通常都係用 RF聚焦多極射頻能量，穿透真皮脂肪層刺激細胞以達至減少皺紋及緊緻深層組織，不過對於皮膚表面就未必有效啦。而呢部 FaceTite 三源塑顏射頻機除咗 RF能量外，仲會運用遠紅外線 與最外層肌膚發揮作用，從而改善膚質，同時用 LED 紅光刺激真皮層，促進膠原增生同修復。因為 3種能量會刺激唔同深度嘅皮膚，所以用嘅時候會覺得暖暖地，之後皮膚亦會有微紅嘅情況，不過 15分鐘左右就會消失。用一次已經即時可以見到皮膚有光澤咗。
▲ 同宅光脫毛機一樣，呢部射頻機都係喺以色列製造，連個包裝都好相似。
▲ 盒內有除咗一支專用凝膠，仲有一個銀灰色拉鏈盒，非常高貴。拉開拉鏈就可以見到射頻機、火牛、轉換器 同 説明書。
呢部射頻機以銀色圍邊、白色機身，相當簡約、輕巧，不過就需要插住電用，用緊就無得行嚟行去。因為佢有導電性，用之前要先塗上專用凝膠做導體。說明書建議毎星期使用2次，分開 前額、右面頰、左面頰、上唇、下巴、頸部 6個部份以直線方式來回按摩，每個部份使用 15分鐘，最後塗上保濕霜補充皮膚水份。雖然話頭 5分鐘目的令皮膚溫度提升，之後先可以達到效果，不過 15 x 6 分鐘，每次做就要坐定定個半鐘，真係令人好想放棄。
▲ 機身以銀色圍邊、白色機身，相當簡約、輕巧。
▲ 內部有一個熱力感測器，如果皮膚升溫到 42-43度，就會自動停止輸出熱能，避免皮膚過熱而灼傷。
▲ 中間有一個按扭，可以選擇自己適合嘅級數。建議就由 1級開始，等皮膚適應咗再逐歩調高温度，最高係 5級。
▲ 導頭有有 3塊電極片同 6粒 LED 燈以發出遠紅外線、 LED 光 同 RF 能量。
▲ 附送嘅專用凝膠透明啫喱，無色無味，質地非常厚身，130ml 應該可以用幾個月。
售價：$3388
查詢： Fitboxx (8104-5000)
相關影片﹕
