睇戲大家就睇得多，篤穿紙門伸支棍去噴毒氣又或著偷睇..實中我地無機會試，直到最近有日本廠商就推出了一款類似的小玩意。
日本人出名創意多多，而來到今日終於就連紙趟門都變成了小商品了，皆因為舒緩都市人沉重的壓力，最近有日本廠商就設計出一款名為「ストレス解消障子破りセット」的產品。單從外觀來看它就是一個迷你版紙門，至於玩法就無需多講了，即使用手指在上面隨意亂篤穿也沒有問題，而為了令大家可以盡情發洩，紙門兩側更設有支架可穩固在枱面上。當篤穿所有紙之後，只需換過一張新紙便可繼續再篤了。
據資料顯示這款紙門小玩意的門框主要由 ABS 及矽膠所製成，所以有較高的耐用性。需要留意該產品目前只會由 Village Vanguard 網上商店獨家發售，每款價格為 2,138 日圓（約 135 港元），並暫定今年 11 月底正式出貨。
來源：Village Vanguard
