睇聖誕燈飾都要講低碳！K11中港日三地光影藝術展

聖誕最迷人的除了飄雪就是一串串色彩繽紛的燈飾，但營造浪漫要付出代價。所以今年 K11 嘗試實現『碳中和』聖誕，務求營造聖誕歡樂氣氛之餘，亦能支持可持續發展，推廣使用 LED 照明產品對環保的重要性。

▲ 3位來自中、港、日的著名藝術單位攜手合作，展示他們與光有關的作品，迎接聖誕。

一按變圖案互動聖誕樹

在 露天廣場懸掛了一棵來自日本、一直致力把藝術、科技和創意結合的 teamLab 所設計，高達 7米的 4D互動聖誕樹《teamLab Crystal Tree》。大家可利用智能手機或場內的平板電腦，改善聖誕樹的圖案，為身邊的人送上祝福。

▲ 只要上「Tree.team-Lab」的網站，就可以選擇圖案放上聖誕機。

▲ 按了之後大約 2秒就會出現，想影相就要快啦！

▲ 但因為去到的時間太陽要落山，圖案的效果不是太突出。

▲ 從聖誕樹下面睇，就好似落住閃閃發光的雨一樣，非常浪漫。

 

近距離欣賞巨型滿月

走入中庭，可以近距離看到一個以節能燈泡組成，直徑 3.5米的巨型月亮。來自中國的王郁洋希望《人造月》可以讓人們在現代文化的場所中享受自然天象，替代已經失落了的「月光」質量。

▲《人造月》遠睇雖然靚，不過我就建議有密集恐懼症的人都係睇番旁邊的月球燈好了。

LED 燈帶來藝術治療效果

LED 燈 除了用於照明同裝飾外，原來都可以用作藝術治療。 LED 藝術家 Teddy Lo 帶領其團隊和聲音治療師 Angela Flame 及癒合藝術家 Magnolia May Polley，在 chi K11藝術空間打造了一個多感官藝術體驗空間《Seven Keys》（入場費$25），利用場內的裝置結合光效、色彩、聲音、氣味及及圖像，引發視覺、嗅覺、觸覺、味覺和聽覺的五重感官體驗，希望對人的身心靈產生安寧的感覺，具藝術治癒之效。

▲ 進場前可購買「Seven Keys Experience Kit

」($40)，以提昇多重感官體驗。

▲ 每一間房都有不同顏色的燈光，帶俾你唔同的感覺。

▲ 最初入到其實有 D 鬼屋 feel，都幾恐怖。

▲ 不過走到其他房間，心情慢慢就平靜下來。

▲ 房入面其實沒有太多東西，但就可以讓你靜靜思考。

▲ 藍色是憂傷，平靜，或是典雅？相信不同時候，不同人都有不同的感受。

▲ 帶上眼罩，好似去了另一個地方一樣。

▲ 最後一間房會有俾你係牆上任意塗鴉，舒發由感覺刺激所引爆的情感。

依莉詩點評

如果係想嚟影相的話，今年應該會失望，因為聖誕裝飾唔係太多，只會見到四圍都係 LED 燈，而日間睇棵互動聖誕樹亦唔會太明顯。不過呢個展覽確實有佢獨特嘅地方，有著藝術同環保氣息，文青或者偽文青可以去下。至於多感官藝術體驗空間值唔值得俾錢入場，我就覺得見仁見智，如果無番咁上下藝術 sense 去到可能唔知睇緊乜。

 

聖誕氣氛 ★★☆☆☆

必影指數 ★☆☆☆☆

 

日期：2015年11月13日至 2016年1月3日 (上午 10時到下午 10時)

地點：K11