為家居辦公室添置打印機感到煩惱呢？相信 Brother MFC-J880DW 會係其中一個理想選擇。Brother MFC-J880DW 無線多合一打印機有齊打印、影印、掃描及傳真功能。2.7吋觸控式屏幕，令你好輕鬆就可以選取你想要嘅功能。MFC-J880DW 最值錢嘅功能就係兩面打印同 NFC “Touch to Connect” 功能，非常簡易就可以連接到你嘅手機或任何裝置，甚至雲端都可以。
此機主要使用 WiFi 打印，用家只要跟住指示黎做簡單 Setup 就即刻用得，用家仲可以用 AirPrint、Google Cloud Print、Mopria、Brother iPrint&Scan等等嘅流動裝置打印服務，仲有 Wi-Fi Direct 配合 NFC，流動裝置一拍即 Print！用家亦都可以用 MFC-J880DW 嘅 Web Connect 功能，直接打印 Facebook、Google Drive、Dropbox 等等網上雲端服務，超簡單超方便。唔想用無線都冇問題，打印機內還藏有 USB 介面，供大家係冇 WiFi 的情況下使用。
▲只要 Download 個 App 喺手機
▲揀返部 Printer
▲就 Ready 可以從手機傳送文件印嘢或者打印機度 Scan 嘢過手機
以上講過嘅流動裝置打印或者雲端打印，都可以喺 2.7吋嘅觸控式屏幕度搵到。而整個版面都可以調較角度，加上機身好輕巧，無論用家將 MFC-J880DW 放喺枱面上或者櫃頂，水平面定係放到高一高，都可以清?地睇到屏幕，而且好就手咁操作觸控式屏幕。
MFC-J880DW 高速打印模式下，打印速度高達每分鐘 27/23頁 (黑白/彩色)，最高支援 1,200 x 6,000 dpi，平台可掃瞄 A4 面積 1,200 x 2,400 dpi 影像，而頂部還有可容納 20 張紙的自動送稿器，大量 Scan 嘢或者影印嘅時候就唔使企喺部機旁邊自己動手啦。最重要嘅係 MFC-J880DW 支援雙面印刷架，只要通過簡單 Setting 就可以一張紙印晒兩面，咁就又慳紙又環保啦係咪？
售價：$1,198
查詢：Brother（3187 0500）
