成日聽廣告話香港人 9成都有牙肉問題，本來都唔係好信，直到上星期去洗牙，先知自己 D 牙肉有大問題。但明明都已經早晚刷牙都唔係好明點解。牙醫同我講，原來係同刷牙方法好有關係，所以我就四出搜尋一隻啱自己嘅牙刷。發現 Oral-B Platinum Black P7000 電動牙刷 運用 3D 震動旋轉型技術會前後振動、左右旋轉，而且圓形刷頭容易覆蓋牙齒，聲稱可以刷得更乾淨，等我就試下佢先！
要刷得乾淨唔單止眼見無污穢就得，仲要連黐係牙表面嘅牙菌膜都清走埋先得。要知道呢支 Oral-B Black P7000 係咪刷得乾淨，我就搵咗 Oral-B S26牙刷做比較。
▲ 今次就用咗 Oral-B S26牙刷 (圖左) 同 Oral-B 3D 旋轉震動 Platinum Black P7000電動牙刷 (圖右) 做測試，睇下邊個技術會刷得乾淨 D 。
先利用苦瓜一個黐滿閃片同咖啡嘅苦瓜模擬凹凸不平的牙齒表面，睇下兩支電動牙刷清除肉眼睇得見污穢效果如何。
再用顯影劑做測試，睇下兩支電動牙刷清除肉眼睇唔見嘅牙菌膜有無效。上圖紅圈為牙菌膜，未刷牙前明顯有一點點牙菌膜。
▲ 右邊用 Oral-B Black P7000 刷完牙菌膜沒有了，但左邊用Oral-BS26牙刷刷完仍然有少許牙菌膜。
總括以上 2個測試， Oral-B Black P7000 所用嘅 3D 震動旋轉型技術每分鐘上下震動 40,000次，左右旋轉 8,800次，而刷頭 16度刷毛角度傾斜設計比垂直刷毛有更大橫向力，加上圓形刷頭中間嘅刷毛較短，只要將牙刷放係臼齒、虎牙等上方，就可以輕易覆蓋每隻牙齒表面，並深入牙縫間，直接清除牙菌膜，所以刷得更乾淨！
▲ 圓形刷頭中間嘅刷毛較短，只要將牙刷放係臼齒、虎牙等上方，就可以好似帶帽咁，一次過清潔晒牙齒表面同牙縫。
▲ 16度 刷毛角度傾斜設計比垂直刷毛有更大橫向力，更有效清除牙齦線上嘅牙菌膜。
雖然以 Oral-B 旋轉技術嘅電動牙刷會刷得比較徹底，但同時亦會擔心因為直接接觸而損害牙齒表面。幸好 Oral-B Black P7000 頂端有壓力感應指示燈，如果刷牙力度太強就會著紅燈同自動減速提醒你，等你控制刷牙力度。同時附送嘅 Smart Guide 會喺啟動電動牙刷時自動切換到計時模式，右邊嘅哈哈笑會每 30秒加一格，等你可以大概知道目前刷牙嘅進度，而慢慢移動刷頭，控制刷牙時間。
以廁紙模擬牙肉，利用普通平頭手動牙刷同 Oral-B Black P7000 做比較，如果廁紙有損耗就表示有機會損害牙肉。
▲ 如果力道太強，Oral-B Black P7000 頂端亮紅色同自動減速提醒你，所以廁紙表面損耗比較輕微 (圖左)，相反因為手動牙刷會來回摩擦，所以廁紙表面有明顯損耗 (圖右)。
▲ 同時， Oral-B Black P7000 附送一個 Smart Guide 幫你控制刷牙嘅時間。如果刷夠預定嘅時間，牙刷頂端亦會閃綠燈同間歇開關電動牙刷，提你唔洗再刷啦。
香港天氣潮濕，如果支刷柄設計得唔好，就算唔放喺廁所都容易會卡漬同發霉。而係德國製造嘅 Oral-B Black P7000 幾乎整支都用硬質塑料製成，唔會似橡膠咁易發霉，而且拎上手手感更好。同時，佢嘅黑、銀色流線型設計十分前衛，又避免霉菌滋生，美觀又實際。還附送美白，軟毛，深層清潔刷頭，轉換刷頭就可以得到深層清潔、敏感呵護、美白牙齒、牙齦按摩同潔淨舌頭嘅功效，滿足不同需要。
▲ 平時 D 電動牙刷都包裝得好簡單，但呢隻就雙盒包裝，非常相當精緻 ，每一邊都圖文並茂，就算唔睇說明書都識用。
▲ 除咗 Oral-B Black P7000 電動牙刷，入面仲有 LED 導航顯示器、2粒電池、4種刷頭、充電架、隨身盒、攜行袋、說明書同保養卡，睇落特別專業。
▲ 雖然電動牙刷比傳統牙刷大把，不過我拎上手都唔覺太重。
▲ 德國製造嘅 Oral-B Black P7000側面嘅銀色塑膠殼好時尚，就好似一架賽車一樣。
▲ 背面嘅紋路好有科技感，而且避免跣手。
▲ 將刷頭拆出嚟，接合位設計比較簡單，所以唔會咁易卡漬。
▲ 刷柄上有開關掣同切換牙刷速度嘅掣。
▲ 充電座可以方置 4個刷頭，一家人用就岩晒！
▲ 另外，附送嘅隨身盒用樣以銀、黑色設計，兩側都係金屬材質，非常高貴，而內部可以同時放置兩個刷頭，夫妻情侶一齊出遊就更方便。
▲ 除咗日常清潔嘅刷牙模式，轉換刷頭就可以得到深層清潔、敏感呵護、美白牙齒、牙齦按摩同潔淨舌頭嘅功效。
我一路都早晚都有刷牙，但就始終都有牙肉問題。今次試完 Oral-B Black P7000，發覺用旋轉式電動牙刷刷得好乾淨，雖然價錢係貴咗 D ，不過個刷柄咁靚，又唔會咁易發霉，應該可以用好耐，而且係導航器同手機 App 督促下，可以養成到正確刷牙習慣。
售價：$1998
查詢：29262300 (Jebsen Consumer Service Centre 捷成消費品服務中心)
