上星期本來已經開幕的 LINE Friends 聖誕文具樂園今日終於開放俾傳媒預覽啦！依莉詩等到頸到長，終於可以同熊大瘋狂自拍，依家帶大家睇下7大影相位啦！
進入樂園，第一眼望到的就係 Cony 火車站，由 Edward 拉動的 3卡鉛筆火車已準備就緒，載你穿越 Cony 書隧道，環遊文具樂園。
▲ Moon 已經留咗個位俾你坐啦！
▲ 車站外的 Boss 一身聖誕 look ，指嚟指去，唔會係度笑緊我掛？
3個 Sally 旋轉咖啡杯上坐著 Brown、Cony 同 Leonard，唔知佢地轉都暈未呢？
▲ 甜品架上的巨型 LINE Friends 造型 macaroon 同薑餅超可愛呢，如果真係食得就好啦！
文具樂園最注目的一定係 9米高鉛筆刨摩天輪。以 Brown 為軸心的摩天輪，每一卡都係一個 LINE Friends 大頭，一張相就可以集齊 Leonard、Sally、Moon、Boss、Jessica 同 Cony，絕對係打卡必到之選。Brown 同 Cony 更係摩天輪下手拖手欣賞緊風景，好浪漫呢！
Leonard 將膠紙座變成滑梯，Brown 同 Sally 瀡得超開心，旁邊的 Cony 亦都好興奮呢！
另一邊，等陣火車的 James 把握時間係度瘋狂 selfie 緊呢！ Cony 攝鏡好似攝得有 D… 懶！
講咗咁多 4樓大堂的裝飾，唔好唔記得朗豪坊門口都仲有一個 Moon 拱門啊！一眾 LINE Friends 就係門口歡迎緊你。
自從希慎開咗固定的 LINE FRIENDS Store 之後，想買 LINE 精品變得輕易得多。不過朗豪坊 7樓呢間 Pop-up Store 你都不得不去睇睇，事關除咗有獨家精品外，仲有小型拍照區。
▲ Brown化身聖誕馴鹿在門口歡迎你大駕光臨。
▲ 朗豪坊 7樓呢間 Pop-up Store 有唔少獨家精品。
▲ LINE和著名荷蘭創意品牌 mr maria 聯乘推出的 Brown燈高度分別是 50cm和 35cm，既可愛又實用，放在床邊伴可令你發個好夢。HK$2,400（50cm）、HK$1,600（35cm）
▲ 身高 35cm 的 Brown 及 Cony毛公仔，穿上印有心心圖案的毛衣，造型可愛。HK$430
▲ 13.5cm高的 Brown、Cony 和 Sally 爆谷鐵罐，是今年送禮或交換禮物的首選！HK$50
比起之前希慎的 LINE Friends 裝飾，呢度規模更大更有特色。幾乎每一隻 LINE Friends 都換上聖誕造型，而裝置又設計成遊樂場咁，充滿歡樂氣氛，加上位於朗豪坊，交通方便，暫時嚟講，我覺得呢度係今個聖誕最值得打卡的地方啊！而一對穿上印有心心圖案毛衣的 Brown 及 Cony毛公仔非常 sweet，送俾情人就最啱啦！
聖誕氣氛 ★★★★☆
必影指數 ★★★★☆
必買指數 ★★★★☆
日期：2015年11月17日至 2016
地點：朗豪坊4樓通天廣場、7樓同地面
