無論幾多歲，車永遠都係男孩子的摰愛，就算得唔到真車，都總想擁有一架同款的 TOMICA 合金車仔。今年聖誕，奧海城變成為「TOMICA 聖誕樂園」，就得我依莉詩帶大家睇下有咩玩啦！
TOMICA 車仔展展出咗唔少香港首次曝光的 TOMICA系列及「體驗館」
▲ 無數的車仔穿梭係微型城市之間。
▲Tsum Tsum 版的車仔應該唔止男孩，連女孩都一樣鍾意吧！
睇完車仔，敏捷身手的車手們仲可以化身成 TOMICA 設計師，製作屬於自己的「DIY」TOMICA車仔及獨
▲ 你可以係巨型屏幕上以魔術噴漆為 TOMICA 合金車親手設計
▲ 之後仲可以印出嚟成為聖誕卡添！
既然身手咁敏捷，又點可以浪費。只需係場內以電子貨幣消費滿 HK$100 或以上，憑即日單一有效收據就可以換領 TOMICA 車手遊戲券一張。每完成一個遊戲，都可以得到 TOMICA 限量版禮品一份，如果順利通過 3 項挑戰，仲可參加夾車仔機一次。有面有唔少限量版 TOMICA 合金車架！
▲ 第一個挑戰就係要移動地面，將車仔拍啱位置。
▲ 即係漢堡包車泊去快餐店咁，絕對考你定力。
▲ 第二個挑戰需要考你耐性，就係鬥快掀開 3對相圖的車仔圖案。
▲ 第 3 站唔止鬥快搵車仔，仲要考眼界將車仔投入會郁的貨櫃車內呢！
▲ 過晒關之後，就可以去夾車仔，有機會夾到獨家日本限量版 TOMICA合金車架！
話晒都係聖誕裝飾，又點可以無聖誕樹呢！樂園中就有一棵 6 米高的 TOMICA 路軌聖誕樹。路軌上設有放大版的TOMICA 車仔，而當中的紅色 PET WORLD 巴士更會在路軌上緩緩地行駛，吸引眾人的目光。
▲ 小朋友可以上去頒獎台同放大版車仔合照呢！
來到旅程的尾聲，當然唔可以錯過購買獨家限量版合金車的機會啦！購物滿指定金額，更可獲贈日本限量版 TOMICA珍
▲ 另外，只要以電子貨幣消費滿指定金額仲有機會換領到限量版 TOM
如果想影相打卡的朋友，呢度未必啱你地，因為影相位唔多。相反如果帶小朋友嚟玩，特別係男仔就係唔錯嘅選擇，事關遊戲的難道唔高，玩完又有小禮物，一家大細去幾啱架！
聖誕氣氛 ★★☆☆☆
必影指數 ★☆☆☆☆
必玩指數 ★★★☆☆
必買指數 ★★★☆☆
日期：2015 年 11 月 18 日至 2016年 1 月 3 日 (下午 2 時至 8 時 (星期一至五)、中午 12 時至晚上 10 時 (星期六、日 及公眾假期)
地點：奧海城、藍灣廣場
