Lomography 推出的即影即有相機一向都大受攝影發燒友歡迎，而最新推出的 Lomo’Instant Wide 不但採用較大的 Fuji Instax Wide 相紙，仲有有無限重曝等多種玩法。今日依莉詩就率先為大家試下效果啦！
小編對即影即有無太大熱衷，除咗偶然用下富士的 mini 8，平時都係用慣數碼相機，所以收到呢部機的時候都有 D 擔心唔識用。幸好，Lomo’Instant Wide 會自動因環境亮度而決定快門速度，咁就算唔識光圈、快門都可以影到靚相。另外，呢部機可以自行選擇是否開閃光燈，而閃光燈強度亦會因應焦距自動增減，所以唔怕因為無得熄閃光燈，導致出現過曝的情況。如果都係覺得光度不足，仲可以使用曝光補償功能，將 EV值 +1 或 -1 度。
玩得即影即有當然唔會留於自動模式。Lomo’Instant Wide 除了有無限時長曝、
Lomo’Instant Wide 內置 Premium 90mm 鏡頭（相等於 35mm 焦距），無論自拍定影風景都夠用。另外，鏡頭使用三段式對焦，可以使用最近的對焦距離 (0.6m) 來拍攝人像、保持 1 – 2 米的距離拍攝、或單純地站在遠處拍攝。雖然從觀景器無法睇到對焦是否準確，不過可以從鏡頭的刻度估計。
加上外置廣角鏡後就可以拍下更廣闊影像，不過就一定要記得同時換上廣角鏡專用的觀景器，否則觀景器只落唔會有變啊！
▲ 加上外置廣角鏡後的變形未算嚴重。
裝上近攝鏡後，最近對焦距離可近至 0.1m。因為所拍的物件太近，而觀景器同鏡頭有一定距離，所以未必對得啱位。呢個時候最好唔用觀景器，用目測會比較好。
▲ 近攝鏡比廣角鏡薄好多，裝咗上去都唔覺。
▲ 近拍真係好難捉摸，說好的花同杯緣子都消失了，想再嘗試的時候已經沒有相紙。就算失敗了。
呢部相機我最鍾意而又最好玩的就是無限制長時間曝光及無限重曝功能。只要拍攝前按下機身上的 MX 切換鍵，之前按下拍攝就可以在同一張菲林上重覆進行曝光，拍攝出創意滿載的構圖。
▲ 雖然未運用得好好，不過可以將尖東的燈飾同自己重疊，效果好特別呢！
既然有多重曝光，就一定唔少得鏡頭分割器。利用分割器，每次拍下上下或左右其中一邊的影像，然後再拍另一邊就可以將兩次拍下的影像拼貼成一張相片。如果利用腳架固定拍攝背景，仲可以拍出兩個我添！
▲ 利用分割器拍下的相片唔係 sharp cut 會有少少 overlap ，效果亦更自然。
雖然唔係個個用即影即有的都係文青，不過如果想為相片加點藝術氣息，可以利用顏色濾片放於閃光燈上拍攝，咁就可以另相片有五彩繽紛的效果。
另一個特別配件係鏡頭蓋，你無睇錯，真係鏡頭蓋。呢個鏡頭蓋不止是用來保護相機內置的 90mm 鏡頭，更同時扮演遙控快門。無論自拍、團體照、無限時長曝都不用再假手於人了！
▲ 即影即有都有遙控快門已經好新鮮，估唔到仲係個鏡頭蓋。
▲ 鏡頭旁有塊自拍鏡，雖然朦咗 D ，不過都依稀見到自己個樣。
Lomo’Instant Wide 有三種拍攝模式，除了常用的 Auto 模式 ( 自動曝光值及閃燈 ) 外，還有 1/30 秒固定快門模式，方便像影樓般預先設定好光線的環境下使用。如果想長時間曝光拍攝及進行光繪就可轉用 B 快門模式，只需要持續按著快門便可以。
▲ 要憑空估計曝光時間實實有一定難道，我建議都係用數碼相機先試幾張再拍吧！
【實試】FUJIFILM instax mini Link 3 無線相片打印機 全新 3D AR 特效創造奇幻拍攝場景
Lomo’Instant Wide 使用 Fujifilm Instax Wide 相紙，是 Fujifilm Instax Mini 照片的兩倍，照片內容可以更豐富，唔再只係兩個人的自拍。不過價錢亦自然貴多一倍，成 $7-8 張相紙，失敗咗都幾心痛架！
呢部機平起富士的即影即有有更多配件同功能，而且用比平時大的相紙，可以影到好多有創意同實驗性的作品。由構圖、拍攝，到等曬相的一刻真係既興奮又緊張。面對住 $7-8 張的相紙，雖然係 2盒相紙入面，我都失敗咗 10張，但我咁大個人都未試過影相影得咁認真呢！果然即影即有係燒錢的玩意。
售價：
Lomo’Instant Wide Portobello Road
相機連鏡頭套裝 HKD 1980
Lomo’Instant Wide Central Park
相機連鏡頭套裝 HKD 2080
Lomo’Instant Wide Black
/ White
相機 HKD 1480
Lomo’Instant Wide Black
/ White
相機連鏡頭套裝 HKD 1880
查詢：Lomography
【實試】FUJIFILM instax mini Link 3 無線相片打印機 全新 3D AR 特效創造奇幻拍攝場景
