DIY 一直都被認為是最佳的打機用電腦平台，之不過砌機其實要考慮的地方比想像中多，當不同硬件之間出現不兼容的問題時， 隨時搞幾個月都未能令電腦穩定及流暢地進行遊戲，令不少人近年改以家用遊戲機作為主要遊戲平台。但始終PC 遊戲擁有遊戲機平台無法提供的流暢度及畫質，如果不想花了大錢卻未能得到理想中的效果，其實市場上都開始出現一些整合式的打機PC，既省地方，更擁有頂級硬件規格。
對比家用遊戲機，購買新電腦打機最大分別是不能即買即玩，叫舖頭砌埋隨時要等多日，自己砌可能都要搞足一晚 ，如果稍一散熱膏塗得不好，顯示卡插不穩，很可能隨時當機。怕麻煩的 wire 民可以考慮買整合式套裝機，出廠前已經完成組裝，好似遊戲機一樣做到即買即玩，不用散到一枱都是砌機工具。不過各位可能覺得「打機」電腦因為要安裝大火牛、散熱器等需要使用大機箱，但其實今日介紹給各 Wire 民的 Asus G20CB 真正可以做到機細又有大機的效能。
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
有砌過機的朋友或者都試過，辛辛苦苦砌完部機，但就發現無法開機，又或是出現不同的問題，最常見就係記憶體兼容、顯示卡驅動程式及晶片組的問題。雖然絕大部分舖頭都會為用家更換，但如果遇上不願意因為兼容性問題更換產品的舖頭，就會造成用家的損失。就算可以更換，始終唔係人人住深水埗，來回舖頭更換單是時間已經是個大損失。
Gaming 電腦以往最大問題就係機身太大，基本上想要散熱好功能齊全，一個標準的 ATX 機箱是基本要求，雖然 ITX 機箱都有可以裝高階顯示卡設計，但始終安裝上會麻煩得多。睇返 ASUS G20CB，官方網頁顯示體積為 10.4 x 35.8 x 34 cm，對比相片可以看到只係比 PS4 略大一點，同埋由於只有 10.4 cm厚，直立式設計搵位放夠晒容易，真係同買部 PS4 返黎差唔多！
此機雖然細，但散熱系統經過特別設計，就算是 i7 + GTX 980 的熱量都可以順流散出，而且只有約 20db 運作聲量，算是非常靜了
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
Asus 這台 ROG G20CB 雖然為小型電腦，但仍然為頂級遊戲系列，當然規格亦達到頂級水平。處理器用上 Intel Core™ i7-6700，已經是最新的 Skylake 核心。記憶體為應付遊戲需要，更配備有成本較高，但效能更佳的DDR4 16GB 記憶體，畢竟已經有遊戲要求 12GB 記憶體作為基本要求，出機有 16GB 當然穩陣得多。顯示卡就用上 GeForce GTX 980，單係呢個組合，就算係砌機市場上面都已經係頂級規格。
筆者以往最唔鍾意細機唔夠儲存空間，不過今時今日人人都有部 NAS，其實都唔係大問題。不過 G20CB 就無儲存空問題。因為設計上先以 256GB M.2 SSD 作為系統磁碟，裝 Windows同 Game，儲存部分就交比另一部 1TB 機械硬碟，真正同時兼顧兩邊需要。至於 藍牙 4.0、WiFi 同 Gigabit LAN 等等當然唔缺少。
可能已經有 wire 民問，買部咁貴嘅小型電腦，是否真正可以滿足打機要求？小編找了幾套大作測試一下，分別有 GTA V、Assassin’s Creed Syndicate、Fallout 4 以及 RainbowSix Siege。測試中所有遊戲都可以除了反鋸齒以外，在開盡畫質設定的情況下行到 60FPS 以上，可以肯定講 G20CB不單現時的大作，相信未來一段不短的時間內推出的新 Game，都可以應付自如!
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
測試中在啟動垂直同步情況下，可以長期維持 56-60FPS。
最高畫質設定中遊戲中完全沒有出現低於 60FPS 的情況。
官方強制啟動 60FPS 模式，在野外設定為遠距離高細節時，仍可維持 56-60 FPS。
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
遊戲中基本可以維持 60FPS，最低時維持在 56FPS。
次次砌部打機電腦，單係搵適合嘅散熱器都要用唔少錢，又或者要加錢買特別風扇的超頻版本。以上提到 Asus 呢部 G20CB 散熱有經過特別設計，實際表現又如何呢？筆者試咗用 Furmark 全負載 GPU，核心溫度都係 75 度，而處理器同樣測試 15 分鐘全負載模式，溫度只有 65 度，即係同樣唔駛擔心散熱問題，又可以煩少樣。
砌機好多人都無諗 OS 問題，其實想用得安心，仲要另外買一套 Windows，現時 OEM 售價約為 $900 左右。而 Asus G20CB出廠已經包括了 Windows 10 家用版，這點對於懶裝機的用家來說會方便得多。
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
G20CB 機身的 LED 都可以任意設定，LED 分為前左、前右及底部三個區域，各可以自由設定不同顏色及閃爍模式。就算你同朋友一齊買 G20CB，一樣可以令到機身有完全不同的風格，LED 部分真的相當好玩。
有時打機感覺怪怪地，都會去搵套監控軟件睇下硬件情況，而 G20CB 出廠就已經提供名為 Aegis 控制軟件，可以即時睇到溫度及系統狀態，而且連線上遊戲玩家最鐘意的網絡速度亦有顯示，一眼就知道整個系統情況，唔駛次次都估估下。
要高畫質仲要畫面流暢，首先一定係買 4K 熒幕，但如果擔心畫面唔夠流暢，就可以考慮搵一隻支援 NVIDIA G-Sync 的熒幕。G-Sync可以比起正常的 V-Sync(垂直同步)進一步降低畫面撕裂問題。而且亦不會對顯示卡效能造成明顯的負擔，所以如果買 G20CB 黎打機，一隻 G-Sync 熒幕一定無買錯。
售價：$8,599
今次測試呢部 G20CB，其實可以睇到廠商因為近幾年嘗試在主機板內整合不同功能，令整合技術十分成熟。加上 Asus 擁有手提電腦開發經驗，令 G20CB 就算用上頂級顯示卡及處理器，一直沒有散熱問題。對於覺得砌機太麻煩，需要節省空間的用家來說，G20CB 幾乎是個完美的選擇。但價格當然高於砌機，但整體來說筆者覺得物有所值。
ASUS ROG G20CB
建議零售價︰ HK$13,998 起
ASUS 官方網址：www.asus.com/hk
查詢電話： 3582 4770
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
