家用美容機愈出愈多功能，就好似之前 Philips 就出咗部洗面機加按摩捧，Panasonic 又出咗部打泡機加溫感卸妝，看來單一功能的美容機已經滿足唔到愛美的女士需要。今日就介紹呢部 MYB 光子微電SPA按摩儀 俾大家，唔單止可以按摩眼部同面部皮膚，仲可以按摩埋頭皮添！
呢支按摩儀同之前介紹的 MyB 離子導入按摩美眼筆 大少少，長 166mm，同樣可以按摩眼部四周皮膚，不過佢就多咗兩個按摩頭，分別供按摩面部同頭皮，可以話係全方位照顧。而且佢的 USB 充電設計非常方便，帶去旅行隨時舒緩疲勞都得。
▲ USB 充電設計，帶去旅行都非常方便。
▲ 機身有三個接觸點連接按摩頭。
▲ 開關鍵係橡膠料，同機身好似唔太夾。
同 MyB 離子導入按摩美眼筆 一樣，按摩儀利用離子可以將精華的營養成分深層導入肌膚，等精華變成水溶性離子狀態，從而更易吸收。而按摩儀的眼部按摩頭有兩粒圓珠，所以按摩的範圍更大，更快吸收。亦因為佢附有面部按摩頭，所以亦可以用於面部，加能更擴。另外，按摩頭會產生生物微電流，會刺激膠原蛋白，有拉提同消除細紋作用，不過呢方面我就覺得作用不大，可能要長時間使用先有效果。
▲ 按摩儀的眼部按摩頭有兩粒圓珠，塗上眼霜後將按摩儀係眼下慢慢打圈移動，明顯比用手按摩吸收得更快。
▲ 面部按摩頭除了可以加快精華吸收，中間仲有顆會發出紅光的燈，聲稱可以古速細胞新生，不過範圍唔大，好似無乜用。
叫得做按摩儀就梗係識震，仲有兩種節奏可以揀。開機之後佢會發出每秒 200次震動，配合頭部按摩頭可以刺激髮根，加速微循環帶走堆積毒素。因為我 D 頭髮都算濃密，效果就唔太顯著，不過有時紮咗成日髻，用嚟按摩下個頭都幾舒服。
▲ 頭部按摩頭可以刺激髮根，加速微循環帶走堆積毒素。
同樣按摩儀都唔係咩新鮮嘢，而離子同生物微電流都喺感覺唔到的，所以你可以當佢係一樣識震的產品。而佢的優點就係多功能，有 3個按摩頭可以用係眼、面同頭皮，既然價錢又唔太貴，買俾媽媽氹下佢開心都唔太過份！
售價：$488
查詢：MyB HK Kwun Tong warehouse（5114 7826）