不經不覺 EVA 來到了 20 周年，為紀念此盛事 Sharp 宣佈推出一部 EVA 特別版的手機 SH-M02-EVA20，限量 30,000 部。手機除了外表 EVA 化外，裡面的 Widget 、Wallpaper、音效等等都是 EVA 的元素。想知有幾型就繼續閱讀啦！
外表 EVA 化 紫色綠色漸變
依部 EVA 特別版手機其實以 SH-M02 作為原型，機邊圓角設計，手感幾好。最突出一定係紫色綠色漸變嘅機背，仲有隻初號機喺度，光線映照下仲會閃令令，最吸引籮文嘅係機側嘅橙色開關同音量按鈕，有畫龍點睛嘅點綴作用。跟機附送手機保護殼一個，外型唔差，不失細節位，但係套上手機後非常之厚，手感扣晒分。
▲依部 EVA 特別版手機其實以 SH-M02 作為原型，機邊圓角設計，手感幾好。
▲左邊機側有 MicroUSB 位
▲開關和音量鍵都在右側
▲機頂有 MicroSD 、 Sim Card 槽 和 耳機孔。
▲機邊有此機的型號 SH-M02-EVA20，一睇就知係 EVA 20 週年特別版
▲跟機附送手機保護殼一個，但係套上手機後非常之厚，手感扣晒分。
▲外型唔差，不失細節位，
▲但係個套真係好有膠味
EVA 主題、 365 EVA Wall、EVA Sound！
除咗外型夠晒 EVA 味，當然內部都有唔少 EVA 化嘅配套啦。首先有3個主題，分別係初號機、零號機及二號機嘅 Icon 配色。而更特別就係有 EVA 365 Wallpaper 同 EVA Sound，每日都會送你一張 Wallpaper，送足 365日，而 EVA Sound 就係有唔同 EVA 主題嘅音效俾你 Set 做鈴聲、通知音效，例如有綾波麗叫你聽電話（心心眼）。
▲除咗外型夠晒 EVA 味，當然內部都有唔少 EVA 化嘅配套啦。首先有3個主題，分別係初號機、零號機及二號機嘅 Icon 配色。
▲我最喜歡就係初號機同二號機嘅 Theme。
▲而更特別就係有 EVA 365 Wallpaper 同 EVA Sound，每日都會送你一張 Wallpaper，送足 365日
▲而 EVA Sound 就係有唔同 EVA 主題嘅音效俾你 Set 做鈴聲、通知音效。
5 吋 720 HD 熒幕 亮度十足
依部 EVA 特別版的手機雖然只係得 720p，但係細緻度都可以接受，哄到好埋先會見到有輕微起格情況，而顏色方面就好鮮豔啦，見到入面啲 EVA 主題 EVA Wallpaper 咁型，720p 根本阻唔到 Die Hard Fans 買依部機，而且依部 SH-M02-EVA20 屏幕亮度好足夠，烈日當空亦都可以清????睇到屏幕內容。喇叭位置機背相機下方，雖然細細個，但聲量都尚算足夠，音量調到最大亦冇拆嘅情況。
▲依部 EVA 特別版的手機雖然只係得 720p，但係細緻度都可以接受
▲哄到好埋先會見到有輕微起格情況，而顏色方面就好鮮豔啦，見到入面啲 EVA 主題 EVA Wallpaper 咁型，720p 根本阻唔到 Die Hard Fans 買依部機
▲喇叭位置機背相機下方，雖然細細個
▲但聲量都尚算足夠，音量調到最大亦冇拆嘅情況。
規格屬中低階 1,310 萬像素相機 質素唔錯
用上 1,310萬像素後鏡，質素亦十分不錯，就算於室內光線不足環境下拍攝，放大後油畫化不嚴重，細節仍可以完整保留。而前鏡則為 210 萬像素鏡頭，規格麻麻，喜歡自拍就要考慮下先好買啦。用上 Snapdragon 400 MSM8926 4核處理器、2GB RAM，事實上算係中低階手機，內建 16GB ROM，如果唔夠用都可以加 MicroSD Card。咪以為部機身咁靚就有姿勢冇實際，其實機身都照有日系機常見嘅 IPX5 / 7 防水防塵。
▲用上 1,310萬像素後鏡，質素亦十分不錯
▲就算於室內光線不足環境下拍攝，放大後油畫化不嚴重，細節仍可以完整保留
籮文：「就算唔係 Fans 都會覺得靚」
此規格算是比較接近中低階，要求高效能的手機用家就未必能滿足，相信買它的必定是 diehard fans此規格算是比較接近中低階。雖然賣六千幾蚊，規格又唔高，但要知道此機限量 30,000 部，於上年 11 月預購，首 5000 部剛於 12 月先開始出貨，咁好彩依間先達鋪就抽中咗一部，咁罕有，賣依個價又好似好合理喎。
售價：$6,080
查詢：三禾電氣（2374 0618）
分享到 :
最新影片
