冬季係一個浪漫的季節，唔好以為有拖拍就一定有溫暖，正所謂浪漫係由金錢同心思堆砌出來，聖誕節份禮物過到關，暫時保得住個女朋友，但去到情人節難度隨即幾級跳。巴打們，係時候諗定送乜好啦！今次我依莉詩就去咗 ABC Cooking Studio 偷師，為大家帶來幾個製作士多啤梨甜品的必勝貼士。試諗下士多啤梨本身已經令唔少女生無法抗拒，個甜品仲要係你親手整，女皇肯定收到你心意嘅！
第一個偷師的甜品係用咗福岡縣的士多啤梨『
撻底
糖霜…………………………………….45g
蛋黃……………………………………中型1隻
牛奶…………………………………….10cc
雲呢拿油………………………………適量
低筋麵粉……………………………..95g
高筋麵粉(手粉)…………………….適量
無鹽牛油……………………………..50g
製作方法：
雖然因為時間關係，Cooking Studio 的導師無教到點樣整撻底，不過憑我的經驗都可以分享下做法俾大家聽。首先將放軟的牛油加入糖霜攪到奶白色，之後再加入蛋黃、雲呢拿油同牛奶攪勻，然後加入低筋麵粉搓成麵糰，放入雪櫃30分鐘。再將麵糰壓成 5毫米厚，並放在撻盤內，並用叉拮幾排孔，以免撻底突起，最後用 180度焗 20分鐘，備用。
吉士忌廉
蛋黄……………………………………中型2隻
上白糖…………………………………55g
低筋麵粉……………………………..20g
牛奶……………………………………250cc
雲呢拿香油………………………….適量
士多啤梨甜酒………………………10cc
淡忌廉………………………………..60cc
製作方法：
吉士忌廉的做法導師同樣無示範，同樣憑我的經驗可以分享俾大家聽。首先將牛奶、淡忌廉同上白糖細火加熱到糖完全溶化，然後加入蛋黄同麵粉攪拌，再用慢火煮至濃稠，待涼並放入雪櫃備用。不過這個整吉士忌廉的方法有 D 複雜，如果想簡單 D ，可以去 DIY材料鋪買吉士粉加水製成以假亂真的Custard sauce，不過當然無咁香滑啦！
裝飾
博多甜王士多啤梨……………….5粒
開心果……………………………….2粒
▲ 至於裝飾，亦係最重要呢 part ，導師就有教我點整啦！
▲ 導師一令 D 士多啤梨出來我已經流晒口水。原來今次用的是福岡縣的「博多甜王」，又大又圓又紅，植糖度平均仲高達 13度，未砌我已經偷食咗粒。
製作方法：
講番裝飾，首先要將士多啤梨切成約 2mm厚薄片。另外將開心果和適量的水放入耐熱容器裏，用微波爐加熱1分鐘（500
▲士多啤梨要垂直砌，唔係就做唔到片片均勻架啦！
▲ 頭頭尾尾可以砌成粒用來放係撻中間。
砌好士多啤梨後，就係時候將 3樣野合併。首先將冷凍了的吉士忌廉放入攪拌盤，用膠刮切拌至糊狀。
然後將士多啤梨片從外到內一片一片順序排放排放。
最後可灑上防潮糖霜同開心果碎便完成！
另一個士多啤梨甜品是由 Café R&C 的師傅教授的博多甜王意式奶凍。師傅將士多啤梨製作成醬汁加入奶凍中調味，唔洗焗製，甜品新手都可以輕易整到。食譜的份量可做 3杯 120克的奶凍，一杯試味，其餘兩樣送俾女神時一齊食！
意式奶凍
博多甜王士多啤梨 ………………40克(約6粒)
博多甜王士多啤梨 (裝飾用)…..3粒
糖 ………………………………………36克
淡忌廉………………………………..300克
魚膠片(浸凍水變軟)……………..6克
冰塊……………………………………小量
製作方法：
將博多甜王士多啤梨 (攪拌至半熔半粒狀態)、糖、淡忌廉放入鍋內，邊攪拌邊加熱至沸騰。然後座冰水加入魚膠片(浸凍水變軟) ，搞勻至半固體狀態後，平均倒入樽，雪凍半日。
博多甜王士多啤梨醬
博多甜王士多啤梨 ………………..40克
水………………………………………..4克
製作方法：
將甜王士多啤梨攪溶，加入熱水煮至沸騰後雪凍。最後將士多啤梨醬加到意式奶凍，再加上原粒博多甜王士多啤梨裝飾。
▲ 如果想奶凍更 Creamy 記得要邊座冰水邊攪拌奶凍材料至半固體狀態啊 !
泡芙雖然有豐富視覺效果，但其實所需材料量相對少，而將士多啤梨切成玫瑰花形作狀裝飾，可以令佢感受到你的心思。食譜的份量可做 20個直徑 6cm泡芙，成盒送出去夠大方。
泡芙
水……………………………………..100克
牛油………………………………….100克
糖……………………………………..少量
鹽……………………………………..少量
低筋麵粉(過篩)………………….100克
全蛋………………………………….200克
製作方法：
首先將水、牛油、糖、鹽放入鍋內，邊攪拌邊加熱至沸騰轉小火。再將已過篩的低筋麵粉加入鍋中，用攪拌機攪拌，至成麵糊而不黏鍋後熄火。然後分4-5次慢慢加入全蛋，每一次加入都要攪拌均勻才加下一次的蛋液。最後，將完成的麵糊裝入擠花袋中，用 0.5cm口徑的圓形擠花嘴，在不沾烤盤布上間隔擠出20個球狀，並放入已預熱至190℃的焗爐，焗15分鐘至金黃色。
裝飾
博多甜王士多啤梨(切片)……..10粒
博多甜王士多啤梨(切花*)……20粒
噴射忌廉……………………………一枝
製作方法：
泡芙待涼後切半，擠入忌廉及博多甜王士多啤梨(每顆約2-3片)作餡料，加上切至玫瑰花形狀士多啤梨裝飾。
▲ 忌廉打到有紋企身就好停，如果打過龍變成淡黃色最好整份重新打過。
情人節同士多啤梨好似分唔開咁，淡淡的粉紅色配上紅卜卜的士多啤梨甜品，女仔一定鍾意。以上介紹的甜品都唔算複雜，新手係屋企做都唔會太難。不過想效率高 D 當然可以課金去 ABC Cooking Studio上堂啦，4個人一班的小班教學無可能失敗啦掛？萬一真係失敗都可以去 Café R&C 買番個現成都得嘅。不過都係提提大家，未必個個女仔都係講心唔講金，餵飽完個肚都係準備多一份禮物安全D。
ABC Cooking Studio
地址：尖沙咀河内道18號K11購物藝術館1樓
查詢：2336 7022
費用：$480（附送福岡手信）
Café R&C
地址：銅鑼灣希雲街22-24號地舖
查詢：2915 1022