Sony 去年就推出了 Xperia Z5 系列，當中 Xperia Z5 就採用了多色設計，繼續玩色。Sony 剛剛又推出了「女士專屬」色的 Xperia Z5 櫻粉色版本，擺明針對女性市場。究竟女士們又是否堅 like？Edward 就借得真機，並訪問了幾位女同事，看看他們感受如何？
今次推出這款 Xperia Z5 櫻粉色版本，基本上是類似我們平常所說的粉紫色，但又並非螢光粉紫的那種，是比較偏向暗啞的顏色。看上去筆者作為男士，就覺得有種「低調奢華」之感，最少就算職場女士們工作拿出街見客，都不會過份「搶眼」，有種俾人「做實事」的感覺。
不過要留意的是，今次這種櫻粉色，其實在不同光線及瀏覽角度下，會有不同的顏色呈現出來：如果光線射在機身，就會比較光亮，外型亦較漂亮搶眼；但如果從側面或者在背光的情況下睇機背，就會過於暗啞色，感覺不太好看。所以今次這種櫻粉色是否漂亮？真的視乎大家點「睇」部機。
▲櫻粉色，其實是非螢光的粉紫色。
▲如果光線直射是比較粉色的。
▲但如果較暗環境的話就似乎不太漂亮……
不過它就算換了機身顏色，仍然屬於 Xperia Z5，所以與之前推出的 Z5 一樣，機背是採用了磨砂設計，而且不會容易黏上指紋（至少與 Z5 Premium 的鏡面機背比較），如果是有潔癖的用家，應該會頗喜歡。
▲機背仍是採用磨砂設計。
▲四邊機側及保護蓋均是相同顏色。
▲不過預設的主題風格似乎與機身顏色唔太襯……
▲最接近都係得紫色……
▲妍嫣：好靚，感覺靚過玫瑰金色的 iPhone……
▲女同事 Bowl：好似真係唔同角度有唔同顏色，但光線唔係照住機背個時，真係唔太靚。
▲Doris：幾靚呀！唔係太螢光嘅色，低調得來又夠女仔，唔錯。
▲依莉詩：超 like！我真係有打算買架，佢唔係好鮮個種櫻花紫，感覺幾靚，好襯我今日嘅手甲。
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 Sony 正式成為角川最大股東 斥資 500 億日元購入股權
