相信好多讀者跟筆者位老友 WH 一樣，鍾意旅行食嘢 Shopping 喪買，不過我爸不是李嘉誠（甚至是李家誠），每月收入都是掹掹緊足夠養家，邊有可能四圍飛、食好西、亂買嘢？於是就上網睇旅遊達人的網誌，當朋友講起去東京時，WH 就可以搬出健吾在 Facebook 的推介搭句咀。
我老友 WH 就係咁，好鍾意認叻，更喜歡搭咀扮專家。人的興趣又點止旅行？玩手機、玩相機、玩車、玩女人…… 於是朋友問起，專家 WH 都會回答：
你哋有邊個玩過 iPhone 6s、LG V10、Nexus 6P？我玩過！我真係玩過！（其實是在衛訊）
你哋有邊個用過 Canon 5D、Nikon D7200？我用過！我真係用過！（其實是在百老匯）
你哋有邊個揸過法拉利 FXX、林寶 Huracan？我揸過！我真係揸過！（其實是在 GT6）
你哋有邊個見過吉澤明步、波多野結衣？我見過！我真係見過！（其實… Seed 呢？）
如果我老友 WH 去過衛訊、百老匯、玩過 GT6、睇過 AV，都可以忽然變專家；我們 Unwire.hk 的 Edward 就見過跟 Steve Jobs 一同創辦 Apple 的 Steve Wozniak，又專訪又合照，應該不止做創科專家，去做副局長都夠 Quali。寫到這裡，讀者應該知道筆者想講乜，成件事其實好 100 毛，網民接受專家 Dickson 係愛情投資專家、愛情軍事專家、愛情證券市場分析員，點解楊偉雄見過 Steve Jobs 就唔可以係創科專家？100 毛搞笑之嘛，你可能會說，現在創科局就不搞笑嗎？我會答。
Steve Jobs 簽名卡片拍賣 成交價超過 18 萬美元 賈躍亭批 Apple：放棄造車大錯誤 Apple 放棄 10 年造車計劃