自 2014年日本遊戲公司「Hit-Point」發布手機遊戲 Nekoatsume (日語：ねこあつめ) 以來，收集貓貓的熱潮一直沒有減退。一眾貓奴每日定時定候餵貓，甚至擴張庭院和改變庭園風格，都係想引來更多貓貓，然後幫拍照存進相冊。依家呢個熱潮跳出手機，POP-UP STORE 更係朗豪坊開業，等大家買晒佢地的精品番屋企，唔洗再怕走失。今日我依莉詩就帶大家睇下貓貓有幾治癒啦！
Namco 一直都定期與不同動漫合作，售賣限定精品，但去到的時候，發覺今次的劃作 POP-UP STORE 的範圍比早前的妖怪手錶 Pop-up Store 細，已經沒有了小遊戲玩。取而代之就是店前的「庭院」裝飾。看見一隻隻貓貓係客廳玩，真係超興奮啊！
▲ 望見滿足先生個滿足樣就知佢偷食咗唔少貴貓糧，對佢又愛又恨！
▲ 要引更多貓貓嚟住，一個舒服的坐墊同貓玩具當然唔少得啦！
▲ 收銀櫃都貼滿貓貓貼紙，要注意的是，店內只收現金，所以各位貓奴記得儲足彈藥先過嚟啊！
▲ 貨架上掛滿貓相冊的海報，超可愛呢！
▲ 門口的貼紙包含了各種香港元素，貓貓們就係點心同港式小食之間穿梭。
雖然 Nekoatsume 係香港都幾多人玩，但平時都好少見佢的精品，今次貓奴就可以一次過收集 20種以上的人氣貓貓精品了。而且為了紀念全球的首次出店，官方更特別推出多款引入香港元素的杯、Cushion、襟章等限定商品，唔單止有香港人情有獨鍾的小食魚蛋及蛋撻上翻滾玩耍的貓貓們，更有香港名物－－雙層電車及紅白藍膠袋的蹤跡，充滿香港情懷，貓奴一定唔可以錯過啊！
▲ 香港限定的 Cushion 有 3款，每個 $140，當中最特別的就是含有香港元素的貓庭院印畫，充滿香港情懷。
▲ 放一隻印有香港元素的貓庭院插畫的杯 ($60) 係 office ，佢的超治癒力量絕對可以令你精神百倍。
▲ 限量版襟章要逐個抽，每個 $20，睇嚟要儲齊一套 8款，應該要破產了。
▲ 香港限定的貓貓手機繩每個$40，如果儲緊手繩的貓奴一定唔可以錯過啦！
▲ 呢度仲有其他貓貓手繩，一於買晒番屋企就唔怕佢地一去無回頭啦！
▲ 另外仲有白鯖先生抹、三色先生、異色瞳、忌廉先生的抹 mon 公仔，每個$54。但唔知點解滿足先生要 $62，唔通因為佢食得貴貓糧多，連身價都暴升？
▲ 環保袋都好靚架，不過點解滿足先生咁搶眼架？
▲ 透明的 iPhone 殼 ($144) 上印滿一隻隻貓貓，加埋個蘋果圖案應該都幾夾波！
今次 Nekoatsume Pop-up Store 的範圍比早前的妖怪手錶 Pop-up Store 細，而且沒有了小遊戲玩，不過店前的「庭院」裝飾非常治癒，貓奴見到一定超興奮！至於精品方面，Nekoatsume 的精品係香港本來就好少有，而且樣樣細細件，金額又唔太大，點都會引去搶購潮，況且當中唔少係引入香港元素的限定精品，唔快 D 去搶真係對唔住自己啊！
Nekoatsume Pop-up Store
日期：2016年1月22日 ‑ 2月17日(上午11時 ‑ 下午10時45分)
地點：朗豪坊 Langham Place 9樓03-11號舖 》香港旺角亞皆老街8號