Fujifilm 早前於東京舉辦 X Series 5週年活動，同時推出三部新機和一支新鏡，新機包括旗艦級 Hybrid 觀景器可換鏡相機 X-PRO 2、升級版中階復古機 X-E2S 和不可換鏡的 X70，新鏡則為 XF100-400mm F4.5-5.6 R LM OIS WR。想知新機新鏡有咩升級，請繼續閱讀以下文章。
X70 號稱 Fujifilm 最輕巧的 X 系統機款，一手掌控冇難度，雖然只有340g 非常輕巧，但仍然不失 Fujifilm 一貫的復古味道設計。X100 最招牌的混合式觀景器，今次 X70 就刪走了，但就換來 3 吋觸控1040萬點反芒，可以用黎 Touch AF 亦可以用黎自拍！機頂有快門轉盤、曝光補償轉盤等，曝光補償今代增加到± 3，同時加入 Auto 模式選擇，啱晒入門用家。X70 擁有內置閃燈，見佢燈仔仔細細就知力度唔會好強，但係應急用都OK嘅！
▲一手掌握
▲機頂有快門轉盤、曝光補償轉盤等，曝光補償今代增加到± 3，同時加入 Auto 模式選擇，啱晒入門用家。
▲X100 最招牌的混合式觀景器，今次 X70 就刪走了，但就換來 3 吋觸控反芒，啱晒自拍愛好者
用上 Fujinon 18.5mm f2.8 定焦鏡，除咗令機身更輕巧之外，大家都知定焦鏡的光學結構比變焦鏡簡單，X70 28mm 等效的鏡頭只上 5 組 7 片設計，其中有兩片為非球面鏡片，雖然籮文未能插卡試相，但現場見到成像都十分清晰銳利。用上第二代 X-Trans CMOS，支援 1,630 萬像素及最高 ISO 51200 感光度。
X70 內置 Wireless Image Transfer 功能，可以透過 Wi-Fi 傳送相片到用家的流動裝置，另外電池有 1,700mAh 電量，可以透過 MircoUSB 充電。雖然樣子懷舊，但係功能上都跟得到大市架！X70 機頂設有熱靴，可外接閃光燈，連 OVF 都可以裝上去，當然依啲配件就要另購啦！
▲X70 機頂設有熱靴，可外接閃光燈，連 OVF 都可以裝上去，當然依啲配件就要另購啦！
售價：HK$5,390
查詢：2408 8663（富士攝影器材）