香港近年吹起一團「獨立音樂風」，大家聽嘅歌不再局限於英皇、環球等大型唱片公司嘅歌，唔需要上勁歌金曲，就算係細公司，甚至冇簽唱片公司嘅歌手都都愈來愈多機會讓大眾接觸到自己的音樂。你又有冇諗過將自己嘅作品放上 Spotify 或者 KKBox 俾大家聽呢？以下就介紹啲方法俾大家。
你以為直接揾 Spotify，佢就會幫你 Upload 咩？真係咁簡單嘅話，我就唔使寫依篇文啦！就算你係唱片公司老闆，想將你旗下嘅音樂引入 Spotify 都要與一家已經有同 Spotify 簽訂服務協議的發行商聯絡，手續繁複，總之就煩啦！所以唔少音樂人都會透過中介公司上載音樂到 Spotify。其實 Spotify 都有推介幾間中介公司俾獨立音樂人，例如 Tunecore, CDBaby, EMU Bands, Record Union，但係全部都要收取大約每首歌＄10 美金的上架費。
KKBOX 政策就開放啲，至少籮文喺 KKBOX 網頁上搵到條 Link 叫做「歌曲推薦登記」，佢話如果你發現有喜歡的歌喺 KKBOX 上搵唔到，你就可以提出建議，所以如果你想自己嘅歌可以放上 KKBOX ，你就可能要…推薦自己。
《彭博》爆 Spotify 將調高月費 另計劃推出更多服務計劃 Spotify 英國進行新測試 加入影片學習課程功能 Spotify 推出迷你播放器 供 Mac 或 Windows 付費用戶使用
Packer 派歌是一個來自台灣的數位發行服務，由華人世界最大的原創音樂平台 StreetVoice 規劃，網上有不少數位發行服務，但 Packer 的特點就係可以讓你嘅作品免費快速上架！而且 Packer 仲會運用資源幫你宣傳，串聯 Blow 吹音樂、Yahoo!、蘋果日報… 等媒體，幫你爭取曝光。市面上音樂平台有很多，Spotify、KKBox、iTunes 等，不同平台所要度的格式和資料都不同，但獨立音樂人只要一次過上傳資料到 Packer 平台，平台就會處理好並分發到不同的音樂平台，最快 14 天就可以上架，而銷售收入會以八二分帳（創作者 80%，Packer 20%）。
第一步當然係要做會員先，輸入好基本個人資料之後，就要選擇你嘅身份，不論你係個人單位，定係一個樂團，都可以使用 Packer 嘅服務。之後就要選擇授權範圍，如果詞曲都係你一手包辦就當然冇問題啦，不過如果你想上傳嘅係翻唱別人嘅歌，記得要拎埋原曲嘅詞曲版權先得架！最後就到詳細嘅發行資料，就算你嘅音樂單位係一個樂團，授權人都必須係個人，姐係要揾一個隊友做代表。
▲如果詞曲都係你一手包辦就當然冇問題啦，不過如果你想上傳嘅係翻唱別人嘅歌，記得要拎埋原曲嘅詞曲版權先得架！
平日於音樂平台搵歌聽，我估大家好多時都會以歌手名稱去 Search，只要 Click 入歌手嘅頁面就會見到佢嘅資料同所有歌曲，依家你就要為自己建立依個頁面。首先當然要填上你嘅中英文藝名、中英文簡介同埋你嘅官方網站網址，然後就係你嘅大頭相，如果你想你嘅聽眾容易啲喺音樂平台上搵到你，就記得做好呢一步啦！
派歌上各大音樂平台嘅夢想就快實現啦，接下來梗係要提交你隻專輯嘅資料啦，包括專輯嘅名稱、簡介、曲風、發行日期、版權持有人名稱等等，如果你只係想發行單曲而唔係全張專輯，就可以於「產品形式」選擇返單曲，最後上傳返專輯封面就可以啦，注意一點，專輯封面必須係 4000 x 4000 px 以上的正方形 JPG 檔。
《彭博》爆 Spotify 將調高月費 另計劃推出更多服務計劃 Spotify 英國進行新測試 加入影片學習課程功能 Spotify 推出迷你播放器 供 Mac 或 Windows 付費用戶使用
建立好專輯之後，梗係要加啲歌入去啦！只要接新增歌曲，就可以上傳你嘅作品，要注意檔案要係大於 44.1khz / 16bit / Stereo 的 WAV 檔。上傳之後就要編輯歌曲嘅資料，其實大部份所需資料都係同頭先嘅專輯資料一樣，不過就多咗一欄俾你上載歌詞，你都想你嘅聽眾跟住你嘅歌詞一齊唱架嘛！完成為你嘅專輯加入歌曲，填好晒資料啦，咁就送交審核啦，資料就會傳送到 Packer 的人員手上進行審批，一經審核完成，三天內就可以喺各大音樂平台上架！
市面上有千千萬萬個音樂平台，Budget 有限嘅獨立音樂人想提交作品實在要投放不少資源，包括時間及精力。Packer 派歌實在為獨立音樂人帶來機遇。其實網上都有唔少發行服務，不過好多都要收錢，少數免費嘅網站又係英文，Packer 派歌話晒都係同聲同氣用繁體中文，本身籮文都怕佢地只招待台灣人，好在官方回覆時表示歡迎全球各地嘅音樂人，籮文真係要講一聲：「多謝 Packer 派歌 為獨立音樂出一分力」。
《彭博》爆 Spotify 將調高月費 另計劃推出更多服務計劃 Spotify 英國進行新測試 加入影片學習課程功能 Spotify 推出迷你播放器 供 Mac 或 Windows 付費用戶使用