今年天氣反常，無論長洲關公忠義亭、大帽山、中文大學及嘉道理農場等香港賞櫻熱點的櫻花都遲遲未開，依莉詩只好亦只好睇實佢地的 Facebook Page，希望係最佳的花期睇花。
而上星期我終於見到中大的 Facebook Page 有消息啦！所以就係星期六(5/3)衝咗上去睇，但…都係有圖有真相吧！
上年都介紹過新亞書院知行樓對出的 7 棵櫻花樹。呢度的是日本其中一種最優質的品種 – 河津櫻，花的顏色是淡粉紅色，環顧香港各櫻花景點的台灣山櫻，淡粉紅色看起來更浪漫。
▲ 看來今年已經太遲了，花枝都開始長葉，而且櫻花樹還很小，所以沒有整棵樹都是櫻花的感覺。
▲ 遠一點睇，每支樹枝上都有每十朵櫻花，不過部份已經枯萎了，所以只能找幾朵特意先靚啦！
▲ 另外，仲有一個不幸的消息話比大家知，就係今年知行樓的小花園封了，所以同櫻花樹會有一段距離，所以要影的話要帶定長鏡啊！
新亞書院知行樓
地點：新亞書院知行樓
交通：港鐵大學站乘2號校巴到新亞書院下車
雖然河津櫻已經就快凋謝，不過都唔緊要，中文大學各處都有花盛開，拍友們一定唔會失望。就係離知行樓不遠的停車場有一棵桃花樹。遠睇桃花同櫻花一樣係粉紅色，不過細心睇花瓣是沒有花缺的，但一樣超可愛。
▲ 蜜蜂正係度摘花蜜。
▲ 不過都係一樣，期望不要太大，因為花齡同樣唔大，所以桃花都係比較疏落。
2024 日本櫻花拍攝攻略 善用器材拍出獨特新角度
睇完河津櫻同桃花可能未必夠喉，落到聯合書院就應該會令你更興奮，因為聯合書院校巴站旁的 4棵鐘花櫻桃正開得盛放，滿滿的櫻桃係樹上一片粉紅，超靚架！
▲ 鐘花櫻桃比河津櫻深色，而且會下墜，所以由下而上咁影先可以睇得清楚每片花瓣。
▲ 每一枝斬密密麻麻，超美！
▲就算遠睇都唔會太失禮。
聯合書院校巴站前
地點：聯合書院校巴站
交通：港鐵大學站乘2號校巴到聯合書院
春天係花的季節，睇完櫻花不妨沿路落山，沿途會有好多新發現。田家炳樓外的馬路旁就有一朵朵玫瑰，相當驕美。
▲ 含苞待放的玫瑰。
▲ 亦有開得燦爛的。
田家炳樓外
地點：田家炳樓
▲ 不過可惜上年嚟的時間，開得茂盛的紅花風鈴木，今次沒有花了。
2024 日本櫻花拍攝攻略 善用器材拍出獨特新角度