小忌廉迷準備好大出血未呢？我係小忌廉 POP-UP Store 再次登陸香港啦！今日我依莉詩就率先去到愉景新城，睇睇今次有咩香港限定商品先！
平時 Namco 搞 Pop-up Store 都會係朗豪坊店做，不過今次我係小忌廉 POP-UP Store 就移到愉景新城 2樓空地，而且唔係愉景新城店入面，所以環境都之前的 Pop-up Store 大。
▲ POP-UP Store 係愉景新城 2樓空地，並唔係愉景新城 Namco 店入面，千奇唔好去錯啊！
▲ 貨架上有小忌廉的燈箱，不過都係得一幅，好似差咗 D 心思。
小忌廉的精品係香港唔算多，所以就算唔係獨家都好，都會吸引唔少粉絲搶購，更何況今次除了U-Art Collection以及其他日本直送商品，仲有以「香港」為主題的新系列香港限定商品同首次於香港發售小忌廉×AAA伊藤千晃的合作商品，粉絲們仲唔大出血！不過主辦單位提醒，請勿早於12點排隊，同埋現場只接受現金付款，記得帶夠彈藥先好出發呀！
▲ 呢個化妝袋 ($158) 圍邊好似小忌廉條短裙咁，好可愛呢！
▲ 有化妝袋當然有鏡 ($158) ，三摺的鏡印有小忌廉係太空唱歌之餘，仲可以棟起，又靚又實用。
▲ 星星手機繩 ($198) 都係今次新品，華麗可愛。
▲ 呢支筆 ($24) 都係今次新品，平平地，買番幾支吧！
▲ 小忌廉手機殼每個 $160，可惜又係只有 iPhone。
▲ 估唔到小忌廉 同 Hello Kitty 一齊印係襟章 ($40) 上都幾夾波！
▲ 小忌廉同變身盒的鎖匙套 ($45) 好可愛，不過呢款物料應該幾易污穢，買咗都未必捨得用呢！
▲ 仲有數唔晒的匙扣，由 $50-$148 不等。
▲ 日本好興卡通襪 ($40)，呢 3對你又鍾意邊款呢？
▲ 咪睇呢個眼影盒 ($260) 咁卡通，其實大人小朋友都用得架！
今次 我係小忌廉 Pop-up Store的範圍比早前的 Nekoatsume Pop-up Store 大，不過就無小遊戲或者影相位，純粹只係賣精品。不過小忌廉精品係香港唔多，所賣的精品又細細件，金額唔太大，看來又會引起搶購潮了！
Creamy Mami Hong Kong POP-UP STORE in D．PARK
日期：2016年3月8日至 5月2日 (12：00 – 21：00 )
地址：荃灣愉景新城2樓 Pop-Up Store no.16-17