迷你兵團復活節遊走 7大商場大玩驚險遊戲

2016-03-18

Published by

依莉詩

迷你兵團係上年暑假爆紅，消失一段一子之後，再次係全港 7大商場出現。今次唔止有得影相，仲有得玩遊戲贏獎品添！我依莉詩就去咗當中最大的馬鞍山新港城中心同佢地見面啦！

影相位紙版具多

同上一次的商場展比，今次可以要令 Minions Fans 失望啦！因為現場的影相位基本上只有一個，其他都係紙版公仔，如果去新港城中心應該有排排隊先影到了。

▲ 今次的主題係復活歷奇之旅，不過 Minions 的造型同平時差唔多，都係著工人褲。

▲ Stuart 拎住其他結他係大樹下唱歌。

▲ 三隻 Minions 似乎好開心咁波！

▲ 好彩，除咗紙版仲有 3隻立體的 Minions 係 7米x 7米深的「迷你兵團幻視藝術畫」中間同大家影相，不過到時應該有排排隊。

大玩驚險遊戲

雖然影相位會有少少失望，不過今次就有幾個小遊戲補數，而最重要當然係禮物啦！「『迷你兵團』森林木槌大挑戰」遊戲需要用鎚仔打下木塊，就算自問大力士的朋友，要過三關絕不容易！而「『迷你兵團』開心復活蛋大運送」需要以 2條木棍運送復活蛋到指定地點，非常考單止考平衡力同專注度。最後的3米高「『迷你兵團』彩虹天地大捕捉」，需要考考小朋友的身手及反應捕捉氣球，非常好玩！

▲ 「『迷你兵團』森林木槌大挑戰」遊戲要用鎚仔打下木塊，原來一 D 都唔容易。

▲ 『迷你兵團』開心復活蛋大運送」要以 2條木棍運送復活蛋到指定地點，我就覺得呢個容易 D 啦。

▲ 要係「『迷你兵團』彩虹天地大捕捉」中捕捉氣球唔太難，而且氣球色彩繽紛，入到去令人好興奮。

▲ 另外，仲可以到「迷你兵團」搗蛋復活自拍攝影區影張靚相上傳到新港城中心的 Facebook 專頁，不過就無得即時印相咁囉！

▲ 講到 D 遊戲咁難，不如講番點先有得玩同獎品係咩啦！只要以電子貨幣即日消費滿 $250或以上，即可獲得遊戲券一張，參加其中一項攤位遊戲。咁就有機會贏取限量『迷你兵團』禮品架啦！

「迷你兵團」復活獻禮

除咗玩遊戲，如果係新港城中心、屯門時代廣場、沙田中心、沙田廣場及粉嶺中心以電子貨幣消費滿指定金額都可以帶《迷你兵團》限定精品套裝番屋企。係 2016年3月19日起消費滿 $1000 可以換領「迷你兵團」咕o臣，而 2016年4月2日起消費滿 $500 就可以換領「「迷你兵團」DVD ，2016年4月9日起消費滿 $1000 就可以得到「迷你兵團」雨傘。