MTV 所推出嘅《驚聲尖叫》電視劇版第一季經已係上年九月全部播出，雖然評價麻麻但卻仍然有唔少捧場觀眾；而第二季其實係第一季播畢後不久已有續訂消息。而最近亦已經確認咗回歸日期為 5 月 30 日，而且仲有一條全新宣傳短片嘅釋出。
今次嘅宣傳短片，主要都係想回醒返觀眾嘅記憶，再一次說明第一季季尾埋下嘅伏線：「每一個人都有可能係兇手。」Emma 係第一季尾發現咗兇手係佢同父異母嘅妹妹，不過佢並唔知道藏係面具背後成為兇手嘅並唔只得一位。而 Noah 就因為對於呢個連環兇手太了解，盡力唔比自己陷入太深。Brooke 就唔想再成為受害者。
然而，係第一季尾 Audrey 被暗示就係另一位連環殺手，佢仍然被視為頭號嫌疑犯；但到底第二季開播之後，劇情又會唔會一百八十度扭轉呢？
以下就係《驚聲尖叫》第二季宣傳短片：
來源： TV Guide