警告！警告！一眾港男將會兵分兩路攻陷各大便利店，事關 7仔的 Le Creuset 迷你港女煲啱啱先開始換，依家輪到蛋黃哥 hea 爆登陸 OK便利店，睇嚟一日三餐食三文治都唔掂了！
人稱蛋黃哥的 Sanrio新星梳乎蛋 HEA 走入OK便利店，仲化身成 6款辦公室小隊員，幫大家係繁忙生活中減減壓。只要係 4月14至 6月8日購物每滿 $20 就有 1個 OK Sticker，憑 15個 OK Sticker 或 8 個 +$25可換梳乎辦公室精品一款。港男們！飛雲機會嚟啦！
▲ 蛋黃哥定時響鬧器可以計時，等你係位都知道自己個飯幾時叮完，非常實用。而且更附一個小小的眼罩，戴上眼罩後，立即變成第 2個樣，超可愛！
▲ 呢隻蛋黃哥就化身成足料鐡蛋，成為手持按摩器，用得太耐鍵盤唔舒服可以轆一轆，解除疲勞。
▲ 呢隻無面見人的蛋黃哥係彈力十足的減壓公仔，等你盡情揸佢，發洩一下。
▲ 坊間的蛋黃哥毛公仔，蛋殼同毛公仔都是縫在一起的。而呢隻就可以分開蛋殼同毛公仔，好似幫佢著褲咁。
▲ 蛋形的彈彈波見過未呢？當彈在地上，會無定向的彈彈彈，難以估計會彈到哪個方向，玩味十足。梳乎蛋於跳跳蛋內會游來游去，很可愛。
▲ 最後一員就係煎雙蛋眼罩，等你 lunch time 可以小睡一會，發個好夢。
▲ 儲咗咁多蛋，當然要搵地方放啦！只要買任何嘢 +$88就可以換到仿雞蛋盒一個，上面仲有隻立體蛋黃哥公仔同內附心意卡一張，一 set 送俾女神就啱晒。
▲ 此外，換領各款梳乎辦公室精品後，更可參加OK勁抽一次。如果你夠幸運有機會即時抱走約40cm「Jumbo 毛公仔」，港澳限量5,000隻架咋！