而家唔少 unwire.hk 讀者都轉用 Mac 機，除咗貪佢喺 Apple 出之外，用過嘅人都會覺得 Mac OS 比 Windows 優勝就喺唔會越用越慢，但始終用得耐部機點都會有唔少垃圾係度，例如檔案下載、上網瀏覽網頁或者用軟件都會有各種暫存檔，Windows 方面相信大家都可以好易搵到各種硬碟掃描軟件，快速搵到各個佔用硬碟空間嘅元兇，不過 Mac 機喺呢方面就比較少，好用嘅大多數都要收錢，Disk Analyzer Pro 就喺其中之一，佢可以對硬碟作出完整掃描仲有圖表分析，近日仲做緊限免（原價 USD8.99），各位 Mac 機 wire 民快啲 Download 喇！
▲軟件預設已經會掃描成個硬碟，如果有多過一隻 HDD 亦都可以掃描指定硬碟或者資料夾。
▲掃描速度相當快，完成後就會以圖表形式顯示唔同類型嘅檔案佔用空間情況。
▲喺 File Explorer 就可以較詳細睇到唔同位置所佔空間百分比同埋入面有幾多個資料同和檔案。
▲至於喺 File Size 就可以睇到唔同檔案大小嘅分布比例。
▲分析完之後，大家只要確認檔案為垃圾檔案，就可以直接喺軟件度揀選再 Delete，至於系統檔案喺唔可以揀選，咁就可以避免唔小心錯誤選擇而出現系統問題。
Disk Analyzer Pro（下載）
對應平台：Mac OS X 10.8 或以上
