相信好多 wire 民第一次用 Mac 的時候都會被過往用 Windows 的習慣困擾，例如習慣用 Enter 鍵嚟開 File，但按落去其實喺幫 File 重新命名。而 Finder 個 Delete 制又唔會好似 Windows 咁幫你 Delete file，相信好多初初由 Windows 轉用 Mac 嘅 wire 民都會唔多習慣，但其實只要裝返啲軟件，就可以繼續好似 Windows 咁操控 Mac。
在 Windows -> Enter = 執行 / Delete 一按就去回收箱
在 Mac -> Enter = 改名 / Delete = 清洗最後一個輸入文字 , Delete 文件 = command + delete
PresButan 呢個 App 可以幫用戶將 return 同 delete 制改到好似 Windows 嘅 Enter 同 Delete 制咁，唔怕再按 Enter 變重新命名，而按 Delete 就可以直接 Delete File。
▲首先去呢個網站下載 PresButan，然後去 下載項目打開 presbutan140.dmg。
▲再將上面 PresButan 個 Icon 拉去應用程式。
▲就咁執行嘅話會出現錯誤，呢個時候大家要按右鍵再打開。
▲喺彈出提示按打開，之後就會顯示 ‘Enable Access for assistive Devices’ 已經被關閉。
▲然後要先去系統偏好設定入面的安全與隱私，切換去隱私個 Tab，再按左下角的鎖，輸入密碼解鎖。
▲之後係輔助使用按加號，去應用程式搵 PresButan 新增落去，選擇打開之後再次檢查 PresButan 有 Tick 號，之後打開 PresButan。
▲打開 PresButan 後根據大家的偏好設置就可以了。
用 Mac OS X 預設的全熒幕（視窗左上角綠色的 Icon）會自動屏蔽工具列同狀態列，所以如果唔習慣的話可以安裝 Blazing Tools，咁就算喺全熒幕下，大家都依然可以見到工具列同狀態列，有時要邊搵料邊做嘢就會方便好多。
▲佢嘅基本安裝方法同上面介紹嘅 PressButan 一樣，首先去呢個網站下載，再喺系統偏好設定>安全性與隱私入面的輔助使用
打開 RightZoom，就可以設置快捷鍵嚟放大視窗並保留工具列同狀態列。
▲使用 OS X 的綠色 Zoom 全螢幕鍵。
▲使用 Blazing Tools 之後，就算用全熒幕模式，都依然可以見到上方嘅工具列同下方嘅狀態列。
在 Windows -> Click X = Quit Apps
在 Mac -> Click X = Minimize , Quit Apps = command + Q
用慣 Windows 的朋友相信未必個個都係靠 Alt +F4 關軟件，而係用個紅色 X 號制。但 OS X 入面個紅色制其實只係關閉視窗，並無真正關閉個軟件，而正確關閉軟件嘅快捷鍵係 Command + Q，但一時用慣 Windows 邊度會記得咁多呀，所以 RedQuits 就幫到大家。
RedQuits下載
▲安裝方法同 PresButan 一樣，安裝好之後打開 RedQuits 會見到呢個視窗，主要嚟講大家選擇第一同第三項就得。
用開 Win 7/8.1/10 只要指住工作列運行緊果啲軟件就會見到縮圖，而 OS X 係無呢項功能。呢個 App HyperDock 雖然唔係免費，不過都有試用版可以下先，真係講得好用其實俾 6.99 美元又唔算貴。
Hyperdock下載
▲開啟 HyperDock 之後，同其他 App 一樣都要做確認程序，按「打開系統偏好設定」會顯示有 15 日試用期。
▲首先確保 Tick 好第一欄啟用視窗預覽，另外可以調校「啟動延遲」，譬如 70ms 就係指住 App Icon 0.7 秒先會有預覽。
▲外觀一欄可以調整預覽視窗的大小，同埋彈出嚟嘅效果。
▲另外針對唔同 App，好似 iTunes 同 Spotify 就可以隨意控制音樂播放，而唔需要再 Right Click 先見到選項。
▲此外，亦有 Windows AeroSnap 的功能，可以跟大家嘅需要同習慣作出設定，可以更方便拍齊視窗或者全熒幕縮放。
iSnap 下載
iSnap 喺一套非常方便好用嘅畫面分割軟件，原價為 4.99 美元而家做緊限免，所以大家快 D 下載啦！
▲安裝後要同樣係系統偏好設定>安全與隱私>隱私一欄給予權限打tick
▲可以在 Preference 一欄內選擇視窗可以排列的位置。
OS X Lion 之前嘅 OS X 仲未有呢樣功能，之前只可以靠滑鼠將檔案由唔同位置 Drag 移動，而家只需要用 Command + C （複製），再用 Command + Option + V 就可以貼上。
