依莉詩:「用港人研發過濾技術 」— Oregon i.fresh NCCO 納米空氣抗菌機

讚好此文:

五月 4, 2016 •家居無線, 環保, 評測

雖然 NCCO 納米催化式氧化技術呢個港人研發的技術已經有十年,不過都唔係好多人識,而且唔多空氣清新機會用到。因為最近同事的報導之後,我依莉詩就搜羅咗一部運用 NCCO 技術的空氣清新機番嚟。依家就睇下佢好唔好用啦!

 

DSC04662

NCCO 催化式氧化技術更環保

呢部 Oregon i.fresh 納米空氣抗菌機係少數採用 NCCO 催化式氧化技術的空氣清新機。佢中間的納米過濾網以礦物材料取代活性碳,不但可以阻隔 PM 2.5 粒子,而且可以去除有害氣體及異味。納米過濾網的壽命更長達三年,比起活性碳更環保。說到有沒有效,我試用了一星期,因為抗菌機只係用於200 呎空間,而公司的環境大於這個面積,所以未能做準,不過對於一向有鼻敏感的水哥同我,大家又好似打少咗乞痴。

 

DSC04653▲ 納米過濾網的設計可讓用家取出自行沖洗,有趣的是,用咗一星期後,部份的礦物由啡變成粉紅色了。

DSC04656

▲ 納米過濾網裝好後需要鎖好,否則顯示屏會有字句提示,而且無法啟動。

DSC04642

▲ NCCO 的弱點是塵和油會將 NCCO 分解層表面遮蓋,所以一定要在進行分解之前,先將空氣中的塵和油隔走。因此抗菌機有多一個預過濾網,過濾塵和油等大顆粒。DSC04647

▲ 用了一星期,預過濾網已經由白色變灰了,證明工業區的空氣質量不是太好吧!

DSC04669

20級空氣品質真 ‧ 會跳

依家唔少空氣清新機都有空氣品質感測器顯示空氣質素,不過準唔準真係無人知,就好似 x米牌的空氣清新機就永遠都顯示第 2 級一樣,可信度有限。而今次呢部抗菌機最頂部設有液晶體顯示屏,顯示室內空氣指數,空氣品質等級由 1至20遞減。至於底部的空氣品質指示燈會按目前空氣品質而變更顏色。有趣的是,我使用頭一兩日,未開機前的空氣品質係 lv.8,開機不到 10分鐘,空氣品質就回落到 lv.2,但過了幾日,無論開唔開機,空氣品質就一路停留在 lv.8-9,真係好難理解啊!

DSC04663

▲ 抗菌機分為 Auto、高速、低速同靜音 4個模式,最快的高速上方有明顯的風吹出,不過都幾嘈,好似放咗風筒咁,而靜音雖然好靜,不過就無乜風,所以放係 Office 我會開低速,唔會嘈到同事又有少少風吹出。

DSC04671

依莉詩:「NCCO 技術更環保」

呢部抗菌機優點就是用 NCCO 技術,唔駛隔幾個月就換濾芯,環保又慳錢。至於空氣品質感測器就未算準確,可能受過濾網的塵影響,使用頭一兩日,未開機前的空氣品質與開機後的確有所不同,但過了幾日,無論開唔開機,空氣品質就一路停留在中等。說到有沒有效,我試用了一星期,因為抗菌機只係用於200 呎空間,而公司的環境大於這個面積,所以未能做準,不過對於一向有鼻敏感的水哥同我,大家又好似打少咗乞痴。

 

i.fresh 納米空氣抗菌器 

200 呎空間直立式大型 售價:$2,698

100 呎空間橫向式小型 售價:$1,198

查詢:2831 8997

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , ,

讚好此文:


Comments are closed.

unwire TV



更多同類文章:

最新文章