雖然話而家雲端儲存已經好成熟，不過要用嘅話就一定要上網先存取得到，如果一但係大 File 更加有排等，對於好多成日要出街做嘢嘅 wire 民，用緊個流動上網 Plan 都未必係高用量組合，所以用返可以隨身攜帶嘅 USB 作為流動資料存取仍然係最方便！
Team Group 最近推出咗一款 C157 USB3.0 手指，分別有 8GB/16GB/32GB 容量可供選擇，採用 USB 3.0 規格就可以確保到上下載大量檔案時嘅速度唔會太慢。為咗配合返而家唔少手提電腦都用咗金屬或仿金屬外殼，呢款 USB 手指外型都用上高質感霧面金屬打造，可以襯返部手提電腦嘅顏色。始終 USB 手指都會經常帶出街用，好多時更會擔心因為唔小心跌咗落地或整濕咗而令 USB 手指損壞，C157 就採用 COB 製程，擁有防水、防塵，抗震等全面防護，令儲存嘅資料得到更大保護，仲有永久保養。最重要就係佢嘅體積細小，就算長期插喺手提電腦都唔會覺得突兀。
建議售價：待定
查詢：漢科（3626 9899）
