喜帖街以前就同金都一樣，幾乎係新人必到的地方，重建後雖然面目全非，不過今日係利東街開幕 Forever Couple 婚戒主題展覽館總算傳承歷史使命，說明婚戒對婚姻的重要性之餘， 更利用 3D 打印技術為準新人度身鑄造最舒適的婚戒。我依莉詩就整咗隻啦！
婚戒係喺婚禮中用得最夠，甚至係一生一世的信物。以往大家都只能用圈量度直徑，未必能做到最啱手指型。今次 Forever Couple 就與生產力促進局，用了一百四十萬，係十個月內研發了利用 3D 打印技術立體地量度手指尺寸，找出最適合自己手指弧度、厚度同直徑的婚戒。新人可以前試戴 3D 打印出來的 ABS 膠戒指一段時間，覺得合適後再訂造真正的婚戒。
▲ Forever Couple 的創辦人 Eddie Lai 表示由於婚戒長期不會離身，所以一定要以戴得舒服為先，而帶得舒服一定要量度好手指的長、闊、高，因 3D 打印戒指就能實現這個想法。
▲ Eddie Lai 強調 3D 打印技術唔係新嘢，而最困難係收集唔同人的手指 Data。
▲ 一開始，職員利用傳統的方法幫我度尺寸。
▲ 之後就用 3D 掃瞄器掃瞄手掌，先打開手掃瞄一次，但合埋手掃瞄一次。
▲ 大約 1-2 分鐘就可以睇到自己手指的長度、厚度等資料。計算出來的尺寸同職員用傳統方法量的一樣啊！
▲ 大約 7-8分鐘婚戒模型就打印出來了。
▲ 用 ABS膠製造出來的婚戒模型好似一個個膠圈，不過就一定啱戴。
▲ 真係一戴就啱手型呢！
主題館一樓係訂造婚戒的地方，而二樓就展示了各款戒指背後的獨特含意、動人故事，以及婚戒的歷史、起源同意義。原因不論東西方，戒指都代表着愛的承諾，亦有矢至不渝的含意。戒指之所以是圓帶狀，正正就是永恆不止的象徵，表示既無開始，也無盡頭。
▲ 主題館利用平板電腦解說每隻戒指的故事。原來早於原始時代，古人已經懂得利用用圓帶狀的繩索套在別人身體，寓意要控制被套者的靈魂。
▲ 當中我覺得最浪漫又最可怕的是忠誠戒指。忠誠戒指並沒有特定的設計，但每一枚戒指的背後都帶着強烈的信息，當中的俵俵者莫過於刺針戒指，選戴此戒指的夫妻，雙方都不惜冒着刺痛，甚至可能造成傷害也甘之如飴，以換取對方的信任和以示忠誠。
▲ 至於克拉達戒指由一雙手和一顆鑲有皇冠的心形圖案組成，當中心形圖案代表着對愛人矢志不渝的愛，而皇冠藏着貞忠的含義，雙手則是友誼的象徵，而其背後都有着一個轟烈動人的故事。
Forever Couple 婚戒主題展覽館
地點：灣仔利東街 G16 號舖
查詢：2869 1314