無論是製作網頁，或是設計組織的新 T-Shirt，甚至開新公司都離不開要有 Logo，以往如果對 Logo 設計沒有認識的話，好多時都會交由外面的設計公司負責，除了要花錢之外，要進行後期修改亦都非常不便。如果各位 wire 民好似小編咁都係冇乜創作力又無美術感，現時就有一個網上 Logo 設計平台，只要輕鬆幾步就可以設計出一個既簡單又美觀的 Logo，最重要就係完全免費。
今次介紹的網上 Logo 設計平台為 Suqarespace LOGO (http://www.squarespace.com/logo/)，大家只需要用瀏覽器登入網站，就可以製作新圖案，最重要就是免費服務，亦無需安裝任何軟件，只要上到網就用得。
▲進入下一步後，系統會叫大家先選擇圖示，可以輸入關鍵字搜尋相關圖示。
▲只需點擊中間的文字，就會於頁面的頂部彈出對話方塊。除了可以選擇字型，亦可以選擇顏色及粗體斜體。如有副題就可以於左上方的「Tagline」輸入。如需調整圖示或字的位置，直接拖拉就可以，亦會自動顯示格線，確保對齊位置。
▲點撃其中一種效果就可以放大顯示，如果覺得唔滿意可以再次修改。
▲返回後，點擊「SAVE LOGO」就可以儲存成品。左方是免費下載，但解像度只有 400×360，右方需要付 US$10，才有最高 5000×5000 的解像度，但對於一般印卡片或者網頁 Logo 來說都叫夠用。
