導入導出機市面上有好多，大部份都係將導頭平面貼係面用，而我依莉詩係網上發現有部個頭好似刀片咁，仲聲稱可以「刨」走死皮。見咁得意又唔太貴就分享下俾大家啦！
其實呢部 Derma-f 超聲波離子煥膚美容儀 係網上都流傳咗一段時間，不過唔係大牌子未必有人留意，就等我介紹下啦！呢部美容儀同其他導入導出機最唔同的地方就係個導頭好似刀片咁扁平，用的時候就好似直接係面上面刮，而美容儀建議每日做齊 3 個 Steps ，共 15 分鐘，比起 H牌最新果部導入導出機需時長少少，不過呢部開動時發出的超聲波震動同吱吱聲，心理上好實在，咁就更有恆心繼續做。另外，呢部美容儀用 USB 充電，而且機身扁平小巧，就算帶去旅行用都佔好少位，非常方便。
▲ Derma-f 超聲波離子煥膚美容儀雖然機身扁平，唔太好揸手，不過只有 97g，勝在輕巧。
▲ 導頭好似刀片咁，用的時候就好似直接係面上面刮，所以唔好太大力啊！
▲ 有個座跟埋，唔用的時候可以放好。
▲ 呢部美容儀用 USB 充電，而且機身扁平小巧，就算帶去旅行用都佔好少位，非常方便。
美容儀分 3個 Steps，第一個係利用超過 24kHz 超聲波，即每秒達 24000次的振動生成微型泡沫來去除死皮及清潔皮膚。只要用化妝綿沾濕塊面，然後將導頭斜斜地沿面部由下往上輕輕力推，面上的水份會變成小水點彈出，好有視覺效果。刮的時候最好保持面有水份，唔係會 feel 到拮拮底，而刮完後鼻頭同鼻兩側明顯乾淨咗唔少。
▲ 一路推，D 水珠四濺，好有視覺效果，刮完後鼻頭同鼻兩側明顯乾淨唔少。
除咗清潔皮膚之外，美容儀會利用正負離子將面膜或精華素等導入皮膚。第 2個 Step 會 產生負離子，使面膜或精華素營養成份滲透至皮膚深層。而第 3個 Step 會產生正離子，只要將美容儀倒轉，以斜上的方向沿皮膚紋理推進，配合精華或面霜就可以緊緻皮膚及收細毛孔。而我今次第 2個 Step 分別配合咗我的美麗日記的極緻彈潤面膜同 OlAy 的高效光塑面膜精草液嚟試，精草液好快就被完全吸收，要補好多先完 5分鐘，而 Paper Mask 同樣吸收得好快，不過就唔駛成日補，方便好多，5分鐘之後面膜已經乾咗 6-7成，皮膚變得充滿水份。而第 3個 Step 我使用了 OlAy 的高效透白光塑淡斑精華，推完之後皮膚充滿光感。
▲ 吸收完面膜精草液之後皮膚變得好有彈性同光感，但表面好清爽，而吸收完 Paper Mask 的精華之後，面膜已經乾咗 6-7成，雖然同樣充滿水份，不過表面好似痴笠笠咁。
▲ 第 3個 Step 我使用了 OlAy 的高效透白光塑淡斑精華，推完之後皮膚充滿光感。
▲ 第 3個 Step 可以打橫部美容儀由眼頭推至眼尾拉緊眼部肌膚，不過眼部皮膚比較敏感，好似不太舒服。
今次呢部 Derma-f 超聲波離子煥膚美容儀感覺好特別，除咗導頭似刀片，開動時仲會有吱吱聲，雖然感覺好怪。而導出時有會水珠四賤，好有視覺效果，比起平時睇唔到效果既美容機，感覺好實在。至於導入方面，無論 Paper Mask 定精華更快咗吸收，而且好水潤，雖然 Paper Mask 唔駛成日補，方便好多，不過我都係鍾意用面膜精草液，表面好清爽之餘皮膚又有彈性同光感。
售價：$450
