而家 USB 手指，速度愈來愈快，體積亦都愈來愈細。但係似乎佢地會有新嘅挑戰者，而呢個挑戰者就係 SSD 喇。喺今年台灣嘅 Computex 會場上面，辛尼就發現咗一個好大容量嘅 SSD 喇，重點係仲好細添。
USB 手指遲下都要收檔
科技鐵小編都唔係識好多條，但新產品越出越細、容量同速度不斷提升就應該無錯，就好似 SSD 咁，初初嘅速度同容量真係唔知想點，快又唔算好快，容量又得雞碎咁多，最慘係貴到乜咁，叫人點買嚟用喎，今年就見到 SSD 容量已達 2TB，而且越出越細，好似呢款大細同 Zixxo 打火機差唔多，放落褲袋都得，相信唔洗幾耐，大家手上用緊嘅 USB 手指又會變成另一樣科技廢鐵。
