嚟緊父親節，各位 wire 民諗好去邊度同父親大人慶祝未呢？如果唔想只喺送小禮物或者食餐飯咁普通，其實都可以請爸爸去個旅行，一來可以增進同爸爸嘅感情，二來自己又可以乘機休息玩返幾日。不過今時今日就算去個短 Trip 都要帶好多嘢，事關隨身流動裝置已經好多，帶一個拖板再加幾個充電器已經喺必需，究竟有咩方法可以唔駛為帶幾多個火牛煩惱呢？
大家日常都會帶備一個流動充電器旁身以備不時之需，始終電話無電，大家都會坐立不安，唔知點算好。如果要到外地旅行或公幹，就隨時要幾個拖板先滿足到充電需要。以一般一家三口去旅行計算，每人一部電話已經係最基本，但又要帶定個流動充電器出外，每晚要同時充電的設備最少有 4 樣。如果唔想每次出 Trip 都帶一大堆充電線同火牛，Verbatim 呢款旅行充電器會係個理想嘅選擇。佢嘅體積細小慳位，如果只係去個短 Trip，直接放落手袋或背囊都唔阻掟。
▲有 4 個 Port 位已經足夠一般 3 人家庭使用，可以同時叉到 3 部電話加一個流動充電器。
▲體積比八達通還要細小，方便放落手袋背囊隨身攜帶，十分方便，一插 USB 線就可以充電。
點解以前出 Trip 都要帶好多個充電器？因為所有跟機的充電器都只得一個 USB 介面，Verbatim 呢款旅行充電器就已經有 4 個 USB介面，而且最高仲有 4.8A 總輸出，每個 USB 最高可以有 2.4A，加上備有智能充電技術，如果同時要為電話、平板或「尿袋」叉電的話，仲識得自動調節電流輸出，確保所有裝置都分配到適合的電力。
▲同時插晒 4 個 USB 位都唔會出現 USB 頭「頂住」的問題。
▲測試只駁一部 iPad Mini 充電的話，可以有 5V / 2A 左右輸出。
▲當同時連接 2 部電話、1 個流動充電器同一部 iPad Mini 的話，仍然有 4.94V / 1A 左右。
對於經常要去唔同國家旅行或公幹嘅 wire 民，屋企總會有一個旅行轉插，雖然買一個轉插最平只係十幾蚊，但好多時用完一次之後就會不翼而飛，而且安全性是否足夠不得而知。Verbatim 這個旅行充電器，就已經附送了 4 個不同國家的插頭，覆蓋全球使用，仲有安全鎖的設計，可以 Lock 實轉插，使用時避免意外鬆脫而導致漏電危險，加埋 4 防保護，即防過電流、防短路、防過電壓同防過熱，夠晒安全穩陣。廠方仲買埋產品責任保險，為用家提供多一份保障。
▲附送 4 種不同插頭，可對應世界各地絕大部份國家和地區。
▲機身備有安全鎖設計，可防止插頭使用時意外鬆脫。充電器更獲得美國 FCC，歐盟 CE 及澳洲 E1703 安全認證，使用更安心。
▲灰黑、白、綠三色可供選擇，包裝大方精美，充電器更備有全球產品責任保險，無論自用定係送禮都非常得體。
產品尺寸：72 x 55 x 27mm
產品重量：159g
輸入電壓：100 – 240V / 50 – 60Hz
總輸出電流：4.8A（24W）（每個 USB 最大輸出 2.4A）
保養期：1 年原廠保養
售價：$178
查詢：23141220 (Verbatim)
