各位 wire 民每次去旅行或工幹，一落機首先會做就係買 SIM 卡同換卡，不過好多時又要搵針拮又擔心香港張 SIM 卡會唔見，但用漫遊上網又好貴。Apple 之前都曾經推出過 Apple SIM，可以等大家係唔需要換 SIM 卡嘅情況下，可以隨時按需要換唔同國家當地嘅電訊商，再直接購買要用嘅上網服務，現在 Apple SIM 正式登陸香港。
現時 Apple SIM 會分為實體同內嵌兩種，前者其實就同現時大家用緊嘅 SIM 卡一樣，只要插入就可以用到，至於內嵌式暫時就只有 9.7” iPad Pro 先配備。Apple SIM 嘅最大優點，就係可以直接在 iOS 裝置上選擇全球 100 多個國家或地區嘅流動網絡供應商合作所提供嘅流動數據服務，可選擇一日、一星期或一個月。當去完旅行返香港，只要轉返平時用開嘅電訊商就得。
▲大家只要行入去 Apple Store 就可以俾 $38 買到 Apple SIM。
▲Apple SIM 係用 nano SIM 設計，只要好似平時咁拆出嚟插入 iPad 個 SIM 卡槽就可以用。
咁究竟 Apple SIM 喺咪支援所有 Apple 裝置呢？好可惜，暫時 Apple SIM 只係支援到 iPad Pro、iPad Air 2、iPad mini 4 同埋 iPad mini 3，至於較多人用嘅 iPhone，唔好意思暫時係仲未支援，經過實測就算將 Apple SIM 插入 iPhone，都只會一直出現網絡搜尋中。如果 wire 民已經衝咗去買 Apple SIM 諗住插落 iPhone 用嘅話都唔洗擔心，因為 Apple SIM 同樣有 14 日退款服務，唔會白白浪費咗 $38 買張 SIM 卡嘅。另外值得一提的是，如果你買了 iPad Pro 9.7 吋，其實唔洗買 Apple SIM，因為內置已經有，加多張落去係多餘的。
▲經過實測，就算將 Apple SIM 插入 iPhone 都只會一直出現網絡搜尋嘅畫面。
▲至於插落 iPad Pro 12.9 吋度，有反應！流動數據度禁「設定流動數據」，之後就可以揀服務供應商。
▲而 iPad Pro 9.7 吋，大家應該會見到「選擇數據計劃」入面有個「加入新計劃」，禁入去就見到香港 3 個 Apple SIM 網絡服務供應商，可見 Apple SIM 已經內建係機入面，大家唔洗買！但如果加埋你自己本身另一個台上網張 SIM，咁咪即係可以變身「雙卡」iPad？
全球平板出貨升 11% iPad 接近零增長市佔率下跌 分析指 M4 iPad Pro 銷售不如預期 OLED 面板廠商訂單減少
如果各位 wire 民遲下有朋友要嚟香港玩又打算用 Apple SIM 嘅話，目前可以選擇本港流動網絡供應商 3 所提供嘅短期或長期嘅流動數據計劃。今日，3 香港亦都公布咗有關的收費詳情，日費組合分別有 2 日（$38）、7 日（$88）同埋 14 日（$168），但要注意當中會有公平使用量，分別為 2.5GB / 3.5GB / 5GB，超過用量就有可能被限速。至於月費計劃則分別有 1GB（$168）、2GB（$248）同埋 3GB（$298）。除此之外，外出旅行時亦都可以透過 GigSky 或 AlwaysOnline 等供應商，購買定額流動數據。
唔少 wire 民好多時都要上 Facebook 打卡、Upload 相甚至要拍埋片添，所以每日要用嘅數據量都唔少，至於 Apple SIM 呢個方案又抵唔抵玩呢？以 GigSky 為例，去日本玩嘅話，3 日 100MB 就要 1,800Yen（約 HKD134），至於另一間 AlwaysOnline 可以見到(供外地遊港用) 香港的 3GB 收費計劃就要 USD119.99（約 HKD930），如果以收費嚟講，真係會比買當地 SIM 卡貴好多！用返 3 香港作為比較，其實 Apple SIM 嘅收費計劃同佢哋現時已有的日費同月費計劃一樣，對於用家嚟講唯一好處就喺唔洗換卡囉！
全球平板出貨升 11% iPad 接近零增長市佔率下跌 分析指 M4 iPad Pro 銷售不如預期 OLED 面板廠商訂單減少
