「藍精靈十分勁」，藍精靈卡通可能未睇過，但呢句歌詞無論咩年代都一定聽過。係萬千港人的召喚下，一眾藍精靈就襯夏天將村莊搬到海港城避暑，順度將快樂及友愛互助的精神傳遍各地。我依莉詩就率先成為村民，入屋睇睇啦！
35隻藍精靈齊集村莊
咪睇藍精靈身高得 3個蘋果咁大，35隻聚埋一齊場面都好壯觀架！事關精靈爸爸特意準備魔法藥水，放大整個村莊，並放係海運大廈露天廣場。藍精靈同朋友美芝、嚕囌王、論盡仔、畫家等仲準備好同你齊齊自拍，同時宣揚快樂同友愛互助的精神。村莊中央 6米高的巨型精靈屋內更有 AR 互動遊戲，精靈爸爸會教授大家藍精靈的魔法咒語。
▲ 畫家好專心咁替藍精靈畫俏像。
▲ 為食鬼好似食極都唔飽，小廚師只好不停煮俾佢食啦！
▲ 今年收成好好，農夫正一車車咁送蘋果到小廚師的餐廳。
▲ 百厭星今次又唔知搞 D 乜，搞到論盡仔成面黑晒。
▲ 精靈爸爸開放蘑菇屋比大家又去影相，只要俾 $30 或者申請村民證就可以入內更了解藍精靈的日常生活。
▲ 精靈爸爸係蘑菇屋內施展魔法藥水，等你可以用手機進入 AR 世界。
▲ 蘑菇屋屋仔細細，放滿家族成員照。
實現 1:1 藍精靈漫畫場境
同藍精靈家族合照完覺得唔夠喉？可以去港威商場地下長廊欣賞由本地微型藝術大師 Tony Lai 及 Maggie Chan，根據 8個藍精靈 1:1 漫畫場境中的重要元素創作的立體模型。經典漫畫情節重現眼前，無論有無睇過漫畫的都會大叫 kawaii！
▲ 跟足步驟就可以摺咩都得架啦！
▲ 另一邊廂的藍精靈認真上音樂堂。
藍精靈故事館原稿絕密曝光
唔講唔知，藍精靈原本只係比利時作者 Peyo 另一部漫畫《Johan & Peewit》的小配角，不過首次亮相卻意外擄獲萬千讀者的心，因此最後發展出屬於自己的漫畫、動畫、3D電影等。 58年來藍精靈風靡全球到底有咩秘密？海港城．美術館就展出全球首次亮相的 36幅 Peyo 珍貴原稿，當中包括Peyo 親手繪製的藍精靈漫畫繪本、插畫、創作手稿，以及藍精靈首度登上熒幕的初版電影膠片。大家可在館內解構作者如何透過藍精靈的外型、語言、習性等反映他對理想世界的追求及堅持的價值觀，了解更多藍精靈背後的故事。
▲ Peyo 的工作室枱重新展示係大家眼前。
▲ 36幅 Peyo 珍貴原稿畫功細膩，非常值得欣賞。
▲ Peyo 親手繪製的藍精靈漫畫繪本張張都顯得藍精靈好跳皮。
▲首度登上熒幕的初版電影膠片顯得藍精靈好生動。
▲ 插畫亦非常繽紛。
▲ 牆上亦有藍精靈的歷史資料，等我地更深入了解藍精靈。
把握機會買香港特別版精品
對粉絲們來說，只係睇同影又點夠，就梗係要去埋海港城港威商場地下大堂的藍精靈期間限定店瘋狂掃貨啦！係 4米高的巨型藍精靈下多款從未係香港發售的精品排隊等住你！
、來自日本與歐洲的家居精品外，更可收藏多款為這次亞洲巡迴藝術展香港站度身訂制的藍精靈珍藏商品；當中包括除了珍藏 figure外，期間限定店亦為小朋友們準備了多款精品玩具，例如藍精靈公仔小夜燈，會說話的藍精靈，心跳藍精靈及藍精靈微型村莊組合等等。更有多款從未在香港發售的來自日本與歐洲的家居精品，以及香港限定T-shirt,，相信每一位藍精靈粉絲都能找到自己的心頭好。
▲ 當中必提全球限量30隻，採用最頂級 316L 黑鋼物料，以古老烘培「失蠟法」鑄造而成的「1:1純黑鋼藍精靈 Figure」($8800)；仲有全球限量100隻，由原木雕刻而成的「16cm木刻藍精靈figure」($1980)；以及具有濃厚香港特色的紅白藍裙裝美芝 figure ($480) 及功夫造型藍精靈 figure ($480)。
▲ 鍾意細細笠的話可以考慮限量 20套的 12星座藍精靈 Figure 套裝 ($1880)。
▲ 想實用可以買 Tote Bag ($100-120)。
▲ 菠蘿包係香港人摰愛，原來藍精靈都好鍾意菠蘿包，仲特登印成香港特別版 T恤($240) 添！
▲ 買埋童裝 ($200) 就可以親子裝出街啦！
▲ 仲有暖笠笠咖啡自帶杯 ($200)。
▲馬克杯 ($180) 都好特別架！
依莉詩：「更深入了解藍精靈」
藍精靈雖然家傳戶曉，不過真正知道邊個打邊個就真係要忠粉先知，更可況漫畫內容。今次呢個展覽就可以用立體的角度重新認識藍精靈，不同年代的人一齊睇仲可以交流下添！今次算係今個暑假商場展中最值得去之一。
「藍精靈．十分勁！」村莊
日期: 2016年7月14日 至 8月21日 (上午10時至晚上10時)
地點: 海港城海運大廈露天廣場、海港城‧美術館、海港城港威商場地下長廊、海港城港威商場大堂I
分享到 :
最新影片
