最近 《Pokemon Go 》紅到發紫，但係小朋友界《妖怪手錶》的熱潮已經由日本蔓延至亞洲及全球各地！大阪環球影城係暑假大搞「妖怪手錶祭典」，東京及福岡下月起推出「妖怪手錶期間限定Café」，同一時間，更預計展開世界巡演的「妖怪手錶舞台劇」。香港當然唔少得商場展啦！《妖怪手錶》會係暑假入侵新蒲崗 Mikiki、屯門卓爾廣場、屯門錦薈坊及荃灣荃錦中心，舉辦「妖怪手錶放暑假」展覽。我依莉詩今日就去咗 Mikiki 同地縛喵大跳「宇宙DANCE」！
沙灘派對影相位較集中
夏日炎炎，地縛喵率領一眾妖怪將 Mikiki 變成沙灘派對，更換上繽紛活潑的夏日服飾，帶齊草帽、紙扇、滑浪板等消暑法寶，一同享受盛夏美好時光。雖然今次《妖怪手錶》的展場同之前的《Pokemon》展覽一樣大，但影相位就好似無之前咁靚，影相位都好集中，好難分開一個個影相位。
▲ 雪糕係消暑佳品，而雪糕車更是美好童年的象徵！旁邊的地縛喵 3D 流動雪糕車係最大的影相位，小朋友可以登上雪糕車親親昆布哥哥、海帶弟弟及海草妹妹化身的雪糕車店員，挑選自己喜愛的雪糕口味，享受冰涼透心的歡樂。
▲ 流動雪糕車車頭係大大隻地縛喵，好萌啊！
▲ 優閑的哥瑪先生大嘆最愛的美味消暑雪糕。
▲ 另一個影相位就係 5米高的哥瑪先生燈塔，宅男蝙蝠、無重點粟米等妖怪匿藏在燈塔內，準備向目標附身，而塔前哥瑪次郎拿着紙扇造型相當「清涼」。
▲ 旁邊的地縛喵帶上草帽同大家 say hi。
期間限定店入定精品開學
有影相位之餘，當然唔少得限定店。今次有唔少文具、書包等《妖怪手錶》最新精品，一於襯呢個機會入定貨開學吧！
▲ 孭最新一季的《妖怪手錶》背包番學肯定醒神 D 啦！
▲ 如果筆袋、午餐袋同 水壺都襯埋一 set 係咪型先。
▲ 新角色USA蹦將太空衣當作潛水衣，十分可愛。
▲ 少女們可以揀呢個超萌的地縛喵散紙包。
▲ 新角色USA蹦手錶一按就彈個身出嚟，係咪勁過 Apple Watch 先？
▲ 限定店旁有兩排《妖怪手錶》扭蛋機，粉絲唔好錯過啊！
全人類宇宙 Dance!
雖然今次影相位唔多吸引，不過逢周末一眾妖怪都會係 Mikiki 或卓爾廣場大跳「宇宙Dance」型爆舞步，只要即日於場內單次消費指定金額，就可參加抱抱會一次。俾 4隻妖怪圍住的感覺都唔錯架！
依莉詩：「跳宇宙Dance 比影相位更吸引！」
雖然今次《妖怪手錶》的展場同之前的《Pokemon》展覽一樣大，但影相位就好似無之前咁靚，影相位都好集中，好難分開一個個影相位，不過逢周末一眾妖怪都會係 Mikiki 或卓爾廣場大跳「宇宙Dance」型爆舞步，俾 4隻妖怪圍住的感覺都唔錯架！
妖怪手錶 Summer Aloha @Mikiki
日期：2016年7月18日至8月28日 (上午11時至晚上9時)
地點：Mikiki 地下中庭 (新蒲崗太子道東638號)
查詢：3980 9930 / 3480 3903
