《Pokemon Go》打破了 App Store 下載紀錄，風頭一時無兩。就算平時冇打機習慣，冇睇過《寵物小精靈》動畫，只認識「黃色圓碌碌嗰隻」比卡超的人都趁熱鬧下載。一下子公園變成了訓練員搵小精靈的地方，就連跳廣場舞的大媽，睇唱歌跳舞的大叔都被逼離開，就可以知道遊戲吸引幾多玩家。
不過有市場研究公司發現，《Pokemon Go》的熱潮可能只會維持一星期，然後就會慢慢下滑，或者保持在某個水平。研究公司 Survey Monkey 以美國為例，遊戲在 7/7 上架，當天的下載次數高達 600 萬次，兩星期後 20/7 就已經減少至 150 萬次。每日活躍玩家的數量亦由 14/7 的 2,500 萬最高峰，減少至 20/7 的 2,200 萬至 2,250 萬。雖然遊戲依然有過千萬玩家追捧，開發商亦會不斷更新，添加新元素吸引玩家，但熱潮或者很快就會退卻。
還記得《Draw Something》嗎？這款讓玩家互相估對方畫什麼的遊戲，亦曾經吸引全球不少玩家，不分晝夜互相出題目考驗朋友，遊戲紅得快退卻亦快，現在已經沒有幾多人在玩了。究竟今次《Pokemon Go》熱潮能維持多久呢？筆者估計還能夠撐多 3、4 星期吧！
Pokemon GO 更新引來大量負評 3D 模型令女角變醜