PlayStation VR 體驗館免費試玩
今年動漫節最大的主題一定非 VR 莫屬，而 Sony 推出的 PlayStation VR更係全場焦點。最近 1B入口的攤位設有PS VR 虛擬現實體驗館，有多款即將推出的 PS VR 遊戲免費試玩。試完覺得正的話仲可以係會場預訂埋添！
▲ 最吸引的一定是 BatMan: Arkham VR 遊戲，你可以成為蝙蝠俠係黑夜大展身手。
▲ 初音的音樂會曾經迷到萬千少男，今次轉成 VR 全景就令人更加投入其中。
▲ 戴上 PS VR 裝置之後，初音就可以係自己面前，為自己唱歌一樣，非常心動。 
▲ Final Fantasy XV 以第一身的角度，代入一位有魔法力量的路希斯王國王子，嘗試搶回被奪佔的故鄉。當中要同怪獸埋身肉搏令人非常肉緊。
▲ 據說女主角 Lunafreya 會同 男主角 Noctis 會有一段浪漫的關係。
▲ PS VR 售價為 $3,180，同時亦會推出包含 PS VR 及 PS Camera的同捆裝，售價為 $3,480 。
▲ 除咗 VR 之外，仲有較傳統的格鬥遊戲可以玩。
▲街霸的軍佬 同 拳王的不之火舞 企埋一齊呢個組合好新鮮呢！
▲ 另一邊亦有賽車遊戲俾你體驗風馳電掣的快感。
▲ 睇下女 model 玩得幾投入。
Google Play 買遊戲送 Cardboard
相比起 PS VR ，Google Cardboard 可以話係入門版。只要即場透過 Google Play 購買應用程式、遊戲、電影或書籍，並向攤位的工作人員出示購買紀錄，就可以換領 Google Cardboard，投入虛擬實境世界。對 VR 有興趣又未必有足夠彈藥的話都可以考慮下架！
6 人連線打樹根
雖然 PS VR 成為全場焦點，不過都唔可以睇少呢個屬於香港人 VR 遊戲。坐係座位，帶上 VR 眼罩就可以進入漫畫「香港感染」的世界，同現場的其餘 5個人組成隊伍係立法會擊倒樹根獸。
▲ 遊戲的場景不但係立法會現場，怪獸的名仲叫樹根，超有本土的味道。
▲ VR 遊戲係免費試玩的，但如果有買漫畫的話就可以「打尖」呢！
用 LEGO 重現香港今昔
LEGO 每年都會係動漫節搞展覽，今年就以「香港昔今」做主題，請來 20位香港 LEGO 達人一起施展鬼斧神工，用 100萬粒 LEGO 轉化成機場、中環、街市、大掛檔等 12件作品，新舊對照之餘，見證香港的歷史變遷。
▲ 右面的是以前的山頂，有著人力車同綠色纜車，而左面即是現在的紅色山頂纜車，新舊交匯。
▲ 紅色的山頂纜車雖然充滿復古味，但原來未係最舊的呢！
▲ 綠色的纜車前有一架人力車準備接載山頂來的遊客。
▲ 新舊機場的中間有兩個機組人員，好似 Sam哥啊！
▲ 機場的另一邊展示了中環的今昔，兩旁的建築物充滿對比。
▲ 電車係繁忙的鬧市穿梭，乘客都好休息咁…玩緊《Pokemon GO》。
▲ 揉合了遠東的建築特色同新古典主義的終審法院幾時都係中環的特色之一。
▲ 海洋公園亦係香港的地標之一呢！
▲ 以前的課室並無電腦、投影機，只有用嚟輪住睇教育電視的電視，諗番起真係有好大分別。
▲ 大排檔同流動小販都係香港獨有的味道，呢 D 同美食車真係無得比呢！
▲ 同場亦展出「樂高建築師大賽」的入圍作品。你又睇唔睇得出小參賽的「我的志願」係咩呢？ 
▲ 現場仲有最新的 LEGO 套裝賣，Porsche 911GT3 RS 同 大笨鐘應該係你的首選！
必買木棉花福袋
叫得動漫節又點少得漫畫同相關精品呢！而木棉花就推出了大量激安福袋，入面的精品都幾多，可謂物所值！
▲ 已經有大量福袋等緊大家搶了！
▲ 大會入場券有張「木棉花」福袋 Coupon，用咗可以減 $10架！
▲ 《Re:從零開始的異世界生活》的輕小說亦都有得啊！
角川首賣 《不起眼女主角培育法》精品
而每年都排長龍的角川，今年都有好嘢。不但首賣《不起眼女主角培育法》的精品，仲大搞簽名會添！
▲ 今年香港角川攤位會首賣《不起眼女主角培育法》精品，大家可以選定心頭好喔！
▲ 想見《不起眼女主角培育法》作家 丸戶史明 及 插畫家 深崎暮人 的話，可以 7月30日下午4:00 至 下午 6:45到 3C展覽廳啊！
天下日本漫畫
《男兒當入樽》都係唔少男生的童年夢，而今次天下就推出 SlamDunk 套裝金版，等你可以再次收藏。
▲ 金色，係一種霸氣嘅代表，同三分穿針、剷籃、大風車式空中轉體反手飛身爆籃一樣勁到飛起！
▲ 買晒成套仲有入樽專屬環保袋送添！
▲ 另外，One Piece #82 吵鬧的世界更會係動漫節期間優先發售
1 折扭蛋大特價
BANDAI 的 1 折扭蛋年年都有今年都唔例外。
▲ 最平的扭蛋 $2 咋！ 
▲ 呢條底底都幾得意架！
▲ 唔止男性向的扭蛋架！呢款小忌廉扭蛋又啱唔啱你呢？
第十八屆香港動漫電玩節
日期：2016年 7月 29日 至 8月 2日
地點：香港會議展覽中心一號展廳
動漫節2016必入玩具情報：http://goo.gl/bNGkfV
分享到 :
最新影片
