風打完，如果各位 wire 民鍾意追新，今晚都係唔好咁早瞓啦，因為 Samsung 好大機會會在香港時間今晚 11pm 發佈下半年的旗艦手機 GALAXY Note 7。究竟呢部筆觸手機去到第 6 代又有咩特別？而家就等 Edward 總結各大傳聞，為大家估一估啦。
現今的智能手機，尤其是旗艦機款，不少都已加入了指紋辨識功能，但指紋辨識之前都有報導指出未必 100% 安全。今次就有傳 Samsung 會繼之前 Fujitsu 的 ARROWS NX F-04G 後，成為全球第 2 部、香港行貨首部採用虹膜辨識的智能手機。究竟是否真的如此？如果屬實，虹膜辨識效果又是否真的比指紋可靠？今晚大家就知道了。
近年不少手機都主打增加內置儲存空間，尤其是不能加 microSD 記憶卡的機款，甚至會推出 128GB 甚至 256GB 的版本。據傳聞指今次的 Note 7 不但會提供內置儲存空間達到 256GB 的型號，同時亦可最高支援 256GB microSD 記憶卡作擴充儲存，換言之最多可以擴充手機儲存空間至 500GB，隨時比手提電腦仲要多位放片放相！
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
據消息指，今次 Samsung 發佈的 GALAXY Note 7，與之前推出的 S7 / S7 edge 一樣，也會設有兩個 CPU 版本，其中一個會採用 Qualcomm Snapdragon 820 四核心處理器，而另一版本就會採用 Samsung 自家的 Exynos 處理器。此外，據知今次 Note 7 在機身設計上亦會有兩個版本：一般版及雙曲面熒幕版，情況就與 S7 系列一樣。究竟香港推出時會兩個版本均有提供？還是只發售其中一個版本？就要今晚才知道了。
近年的 Android 手機內置愈來愈多 RAM，旗艦機款內置 3GB、4GB RAM 已是等閒事，有些中國或台灣品牌的機款甚至已內置 6GB RAM，幾乎已比電腦的 RAM 更多！今次 Samsung 即將發佈的 GALAXY Note 7，更傳聞會內置 7GB RAM，而且還要是採用 10nm 制程的 LPDDR4 RAM！如果屬實應是全球首部內置 7GB RAM 的智能手機。
至於為何 Note 7 要內置多達 7GB RAM？之前曾經有傳是為了令手機可以同時內建 Android 及 Chrome OS 兩個作業系統，而且可以做到 dual boot 效果，但這傳聞似乎未必真實。而較接近真相的原因，應該是為了與 Google 即將推出的 Android N OS 以及當中的 Daydream VR 平台有更好的支援度。究竟多 RAM 是否能讓大家在睇 VR 內容時有更真實的現場感？咁就真係要推出後先知道了。
除了以上規格及功能外，據知今次的 Samsung GALAXY Note 7，仍然會一如既往採用最新規格，包括：內建 2K QHD 雙曲面熒幕、內建擁有 1/1.7 吋 CMOS 感光元件及 F/1.4 大光圈的 1,800 至 2,400 萬像素主鏡頭、預載 Android N 作業系統等，另外一向 Note 最引以為傲的 S-Pen 功能，在今次亦有強化，此外 Samsung 亦會加入全新介面以強化生產力，包括一個名為「Samsung Focus」的介面，功能上會類似 BlackBerry Hub，是一個可以同時接收、傳送電郵以及接收各大社交平台，包括：Facebook、Twitter 等新訊息的合一版面。其他方面，例如：今次 Note 7 會否重新加入可換電池的設計？暫時就未有進一步消息，不過筆者覺得如果內置電池 mAh 數夠大，可以用足一日以上，相信大家都唔會咁強求一定要換得電池掛？
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
最後一項就是今次 Samsung 應該會採取與過往的策略一樣，在發佈後短時間內正式推出發售，至於香港會否成為首批推出的國家及地區？售價又會賣幾多錢？同樣今晚大家就會知道了。
其實以上關於 GALAXY Note 7 的傳聞，究竟有幾多會是事實？筆者自己也說不準。但我覺得如果以上的消息，有 5、6 成是成真的話，筆者覺得已經收貨，尤其是如果真係有虹膜辨識、7GB RAM 呢類新功能，相信 Note 7 真的會讓大家有眼前一亮的感覺。今晚香港時間 11 點就是 Note 7 發佈會舉行的時間，身處香港的 unwire 編輯部會與現已身處美國的編輯天恩，為大家第一手報導 Note 7 的新機發佈及現場試玩直擊，想了解更多有關這部新 Note 的 wire 民，就記得通宵捕住 unwire 睇新料啦！
來源：KnowYourMobile
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
