每星期都有幾十個市集舉行，但又唔知邊個特別有驚喜？今個星期就介紹大家去 3個同屬觀塘區的市集，有音樂聽，又有特色美食，當然唔少得手作攤檔啦！
呢個市集除咗有一眾特式小店外，主要賣點係多個唔同國家嘅特式小食，韓式爆脆炸雞、日式水信玄餅、美式芝士薯條、泰式芒果糯米飯等等，可以一次過食盡唔同國家嘅野食！另外，仲可以玩唔同嘅攤位遊戲，就連 Running Man都成日玩嘅打畫片都有。！ 今次場地方面亦會配合推出速食大胃王，睇下有冇人可以喺限時入面食晒特大份量嘅拉麵，一於叫你最大食嘅朋友黎挑戰啦！
日期：2016年8月6日至 8月7日、2016年8月13日 至 8月14日 (中午 ‑ 下午7時)
地點：Food N’ More 食民營 》香港觀塘開源道55號 開聯工業中心A座地下
食飽飽可以轉場去飲杯嘢。呢個市集有專業 Bartender 即場幫大家調酒，仲有免費 DIY 棉花糖、Free Photo Booth俾大家玩。全日仲有唔同嘅音樂人表演，包括 大耳 BigEar、Edwin@Season Four、猿碌碌 同 Wingki & Michael @十八廿二。另外，仲有送酒小食：冰火菠蘿包、特制牛油果醬、三文魚醬配墨西哥粟米片。同埸更加映米曹(麥記女神) 擺HENNA檔 、Hunterz嘅雪子、 STEVEN @ Boy’Z 擺檔啊！
日期：2016年8月13日 至 14日 (中午 ‑ 下午7時)
地點：The Wave 1/F 》香港觀塘興業街4號
而近百位香港知專設計學院的學生及畢業生衝出校園，以香港本地特色為主題設計作品，包括時裝品牌 ANGUS TSUI、EARTH:er、生活品牌WEWEARWOOD、配飾及家具品牌Circo Loop、時尚品牌 初心 Co1Sam1、手作品牌慢覓陳皮等。當中不乏以崇尚自然、升級再造（Upcycling）為概念的本地手作設計，為大家的生活加點朝氣及意義。此外，部分設計師更以別出心裁的方法引領大家回到過去，細味共同的本土集體回憶，其中由年輕時裝設計師 Michelle Lin及 Yoyo Lau 於今年建立的時尚品牌 初心 Co1Sam1，以香港傳統懷舊文化為概念及以為人熟悉的物品，如熱浪薯片、白兔糖、眼鏡朱古力等設計出獨特的飾品，重拾香港人獨有的童年回憶。
日期：2016年8月6日 至 7日、2016年8月13日 至 14日 ( 下午1時 ‑ 8時)
地點：apm L7 》香港觀塘觀塘道418號
資料來源：Timable