「燃燒吧！我嘅小宇宙！」今個星期除咗可以去時代廣場睇星矢的展覽，仲有得聽日本知名動漫歌手 影山浩宣先生唱 《聖鬥士星矢》 主題曲添！
日本知名動漫歌手影山浩宣先生專程來港，係時代廣場「聖域」以其熱血的歌聲為大家獻唱兩首《聖鬥士星矢》 主題曲，粉絲仲有機會近距離與影山先生見面。粉絲們唔好錯過啊！
日期：2016年8月27日 (下午6時 – 6:30pm)
地點：時代廣場露天廣場
日本歌雖然好聽，香港人梗係支持廣東歌。 蘇釘係第十年會舉辦一系列慶祝活動，而第一波有街舞唔少得的 GE元素 Battle，仲要係廣東歌 All Style Battle ！另外仲有卡通歌挑戰賽一對一對決，聽到都好興奮呢！
日期：2016年8月27日 (下午1時 ‑ 9時)
地點：九龍大角咀洋松街89-91號建聯工業大廈2樓A室
暑假時光過得特別快，轉眼間就快開學啦！大家係咪就嚟唔記得咗著校服的滋味呢？不如呢個星期就試下著校服狂歡一下吧！呢個市集叫得做 Back to School 就知同返學有關啦！市集除了有多於 50個市集包括本地品牌服飾、手作製品和紋身彩繪等攤檔外，更增設免費西洋書法 Workshop，等你學寫一手好書法。如果著校服入場仲可以得到神秘禮物添！
日期：2016年8月20日 ‑ 28日 (逢星期六，日) 中午 ‑ 下午8時
地點：Food N’ More 食民營 》香港觀塘開源道55號 開聯工業中心A座地下
而另一個市集以大冒險為主題，麥田捕手會帶大家進入原始熱帶雨林，當中要穿過密林、走過吊橋、避開猛獸，到達七十個創意攤檔。大家可以係大型吊橋影相。戴上 VR 眼鏡就可以立即進入雨林隱世部落，同族人一齊過返個愉快下午，包你試都未試過。
日期：2016年8月27日 ‑ 28日 (下午1時 ‑ 8時)
地點：D2 Place 2/F The Space 》香港九龍荔枝角長義街9號
資料來源：Timable