係林林總總的智能手錶中， Android Wear 都算係其中一個最多功能的 OS，而今日 Android Wear 又多兩位新成員，就係 Fossil 推出的 Q Wander 和 Q Marshal 智能腕錶。我依莉詩今日就去咗試戴啦！
今次的 Q Wander 和 Q Marshal 分別係女裝同男裝錶，錶殼直徑均為 45mm，屏幕直徑 1.4吋，僅 14mm厚度，比起第一代更輕更薄。Q Wander 的線條設計柔和，配上多拋光弧形錶殼和造型別致的鋼線錶耳，而 Q Marshal 的海軍藍色離子鍍錶殼，以鋸齒圍邊，剛強硬朗。比超其他手機廠或電子產品廠設計的智能錶少一份科技感，但多一份時尚感，遠睇會以為係普通鋼錶一隻，開啟屏幕先會有驚喜。
▲ 錶盤可以自行定製，營造自己的專屬風格。
▲ 男女裝錶殼厚度均為 14mm，比超上一代更輕巧。
▲ Q Marshal 的齒輪圍邊有少少些 Gear S2 ，不過就唔轉得嘅。
▲ 因為沒有脈膊感應器，所以錶背同普通錶差不多。
▲ Q Wander 沒有齒輪圍邊，感覺圓滑一點，不過以女裝來說錶殼好像多了一點。
同樣都係 Android Wear ，所以 Q Wander 和 Q Marshal 裝備顯示時間、來電和訊息提示等重要功能，而今次的兩隻錶係硬件上更有所提升。不但增至 4GB儲存空間，更新增麥克風和揚聲器，可以直接用手錶講電話，唔駛下下拎手機出嚟或者用藍芽耳機，方便了不少。另外，充電改用了更纖薄的無線磁石充電器，唔似第一代個充電座咁薯，型仔咗好多。
▲ 官方表示 Q Wander 和 Q Marshal 充一次電
可以使用 24 小時，同其他牌子的智能手錶差不多。▲ 充電改用了更纖薄的無線磁石充電器，唔似第一代個充電座咁薯，型仔咗好多。
▲ 而新增的麥克風和揚聲器，可以直接用手錶講電話，唔駛下下拎手機出嚟或者用藍芽耳機，方便了不少。
外媒：智能錶/戒指並非實際測量血糖 FDA 警告消費者：未有授權任何裝置 Fossil 專注傳統鐘錶產品 宣佈撤出 Wear OS 智能手錶市場
Q Wander 和 Q Marshal 同樣用 22mm 的錶帶，可以更換所有 Fossil 推出的 22mm 精鋼錶殼、矽膠或真皮錶帶，令智能手錶都可以變成襯衫的飾品。
▲ 錶面同錶帶可以隨時更換，因應不同的場合變身不同的風格。
▲ 所有 Fossil 推出的 22mm 精鋼錶殼、矽膠或真皮錶帶都可以用係 Q Wander 和 Q Marshal 上，有好多選擇呢！
呢兩隻由時尚品牌設計的智能錶少一份科技感，但多一份時尚感。而且今次的錶殼變得更輕巧之餘，多咗喇叭同咪可以直接講電話，方便咗好多。唯一要扣分的就係錶面同 Moto 360 一樣有黑色下巴。
售價：
Q Wander + 淺啡色皮革錶帶/黑色矽膠錶帶/鋼帶： $2,450
Q Wander + 玫瑰金色鋼帶：$2,650
Q Marshal + 啡色皮革錶帶/黑色矽膠錶帶/銀灰色鋼帶：$2,450
Q Marshal + 煙灰色鋼帶：$2,650
查詢： 2468 2952
外媒：智能錶/戒指並非實際測量血糖 FDA 警告消費者：未有授權任何裝置 Fossil 專注傳統鐘錶產品 宣佈撤出 Wear OS 智能手錶市場