一向主張懶懶閒過生活的蛋黃哥 Gudetama 原來都鍾意做活動。全球首個梳乎蛋大型運動日將會係 10月10日係香港科學園舉行，不過同其他卡通人物路跑唔同的是，今次不主張快跑，反而要你同蛋黃哥一齊懶懶行，輕輕鬆鬆做運動！
▲ 蛋黃哥懶到坐係蛋殼要人推住出場，真係諗佢唔到都會做運動。
今次懶懶行有別於一般主題跑，設有 3大「懶懶閒」區，等人學習慢活態度。首先蛋黃哥會帶領大家做「梳乎操」熱下身。之後穿過入巨型梳乎蛋巨蛋陣，到達充滿香港特式的雞蛋仔石春路，排除重重障礙後仲要同煙肉玩纏綿遊戲。行的時候記得四圍望，當中會有多個必影景點同6米高蛋黃哥充氣裝置添！影完仲可以去埋 Hea 市集玩主題攤位遊戲，整日都被蛋黃哥包圍呢！
既然係主題跑又點少得選手包，今次的「懶懶行運動包」內附 7款蛋黃哥精品，係指定時間內完成步行後仲會得到蛋黃哥金牌，超級豐富呢！
▲ 每位選手到時都要著上由本地品牌 SUGARMAN 製作的懶懶 Tee同 軟棉棉的蛋殼工人褲，仲要蓋着蛋黃哥最愛的煙肉毛巾，真係好得意啊！
▲ 做運動梗係要飲水，呢個豉油水樽就啱晒變成蛋黃哥的自己啦！
▲ 蛋黃哥的紋身貼紙就可以被各選手周身貼，特出自己。
▲ 蛋黃哥環保袋就係俾你袋住選手包的精品，免得你唔見。
▲ 每位選手都有一條獨有的號碼帶。
▲ 係指定時間完成就可以得到一個最 Hea 獎牌作紀念。
Gudetama Lazy Walk懶懶行2016
日期︰10月10日 (9:00am-6:00pm)
地點︰香港科學園
費用︰$395/位
報名日期：2016年9月1日4:00pm起（只接受網上報名，名額有限，先到先得）
報名網頁︰www.gudetamalazywalk2016.com.hk
查詢：9317 7817