呢幾日天陰陰，無咗個太陽之餘仲日日落雨，氣溫係涼返少少，但開咗個窗啲雨水又撇入屋，又有水汽，所以有唔少朋友都會決定開冷氣，通爽一點，瞓覺都舒服啲。但係，開冷氣呢啲咁舒服嘅動作，港女偏偏就受唔起，唔知係咪因為細個「訓練有素」有關，可能其實只係港女身體差，哈哈。
細個嗰陣嘅夏天，因為要慳電費，所以我屋企好少開冷氣，如果要開冷氣至少要合符三個守則：
因為咁樣，我細個成日打去 1878200 或 18503 聽天氣。係呀，嗰時冇 Smartphone 吖嘛，同埋冇 24 小時新聞台吖嘛，咪要聽語音系統報天氣囉，唔知有冇讀者都有呢個習慣呢？定係港女已經太老喇…？
咩係人齊呢？全家都喺晒屋企咪人齊囉，簡單來說，即係幾乎係無咩可能可以一早開冷氣，因為阿爸返咗工／阿媽出咗街／阿妹去咗補習…
點解要沖咗涼先呢？因為出咗汗吹冷氣好容易攝親，所以唔可以成身汗去吹冷氣；同埋阿媽話，冷氣係「嘆」嘅，乾乾淨淨先可以「嘆冷氣」喎… 而後面兩個就係由 2）衍生出黎，因為食飯同瞓覺通常都人齊，加上天口熱會冇胃口食飯，空氣濕度太高又會瞓得唔好，所以呢兩個活動係幾乎可以必開冷氣。
你地屋企係咪都有呢啲規矩？
近年天氣一年比一年熱，但我屋企並沒有與時並進，放寬開冷氣守則，反而開冷氣的次數愈來愈少。因為而家我地出晒去做嘢，個個早出晚歸，喺公司吹冷氣已經吹到夠晒皮，返到屋企唞一陣就攰到瞓著，有冇開冷氣都唔知。
而講起喺公司吹冷氣，我真係笑咗，啲女同事都會自備一張被喺個位度。啱啱返埋位可能都仲 ok，可以吹一陣，但去到下晝就會發現個個著晒褸、冚住張被開工，因為公司個冷氣點調較都好凍，又因為冇窗，唔開唔得… （其實有時我會趁 Office 人少或冇人就熄咗佢，直到有人覺得太焗，空氣太唔流通先開返，噓…）
Apple 公佈減排進度報告 九年來溫室氣體排放減少超過 55% Apple 宣佈一系列環保新進展 針對全球潔淨能源和水資源進一步投資