未知是因為中環封路，為駕駛者帶來不便，還是 Formula E 真的吸引了車迷注目，近日筆者的筆友都開始討論零排放、寧靜、又相對慳錢的電動車。有朋友說 Tesla 太老闆車，形象又突出，就算買得起都擔心揸返工俾上司見到，這個理由都係第一次聽到，但諗深一層其實不無道理。
不過並非所有人都有錢買 Model S，更多人的目標都係 BMW i3，甚至車價更平的小型電動車。日產 Leaf、Renault Zoe，甚至日前在 Formual E 給明星名人比賽的 VW e-Golf 都有人提起，很多朋友都對於車價 30 萬以下，能夠行走 400 公里的 Zoe 有興趣（未知代理什麼時候會引入新版）。當我們談論得興高采烈之際，總有一些掃興的朋友出現，狂數電動車車價貴三成，慳了的油錢抵銷不了差價，充電位置唔多和電池壽命等問題。只係一班麻甩佬趁放假，群組內吹下水發下夢，Family Man 要換車，十居其九都冇 Say，老婆仔女舒服為大前提。
吹水傾了大半日，被掃興朋友搞到冇癮收場。雖然現時電動車還是路上稀客，其實很快會取代燃油汽車，日前德國政府就通過議案，會在 2030 年禁售全新的內燃引擎汽車。別以為這只是德國單方面的決定，由於德國會向歐洲議會作同樣建議，如果獲得通過，整個歐盟都會實施。歐盟境內的車廠不少，可以預計他們都會積極研發零排放和更寧靜的電動車、氫燃料電池車。
【財政預算案2024】新「一換一」教學 2024 一文比較新稅制交多幾多稅 華為智界 S7「搶客」 憑小米 SU7 訂單買車即平 5,000 Tesla Cybertruck 油門有機會卡住 近 4,000 部全數需要召回維修