《變形金剛》系列電影瘋魔世界，無論你係 70後定千禧後，幾乎每個男孩子都夢想擁有一隻變形機械人玩具。今朝狂派領袖麥加登及博派領袖柯柏文由銅鑼灣街頭打到入東港城。大戰數百回後，佢哋決定暫時和解，係今個聖誕舉辦《東港城x變形金剛－基地保衛戰》。大「展」之前等我依莉詩帶大家睇睇變形金剛粉絲珍藏展先啦！
▲ 狂派與博派之間嘅鬥爭無日無之，今朝戰火更漫延到香港銅鑼灣鬧市。
係《東港城x變形金剛–基地保衛戰》舉行之前，東港城舉辦了變形金剛粉絲珍藏展，由即日起至11月12日率先開放以《變形金剛》G1為主題展覽，展出由收藏家 Gary Charm 借出逾半百《變形金剛》經典珍藏模型，當中大部份都已經係絕版珍藏，粉絲們仲唔去先暏為快？
▲ 前哨戰個場唔係好大，不過都有成百隻《變形金剛》展出。
▲ 呢隻 1984年珍藏版柯柏文非常少有，已經升值唔少了。
▲ 入面嘅錄音帶可以變形成一隻豹。
▲ 動畫版嘅《變形金剛》十分有型。
▲ 電影版比動畫版造工更仔細，更有時尚感。
前哨戰－變形金剛粉絲珍藏展
日期：2016年 11月4日起至11月11日
地點：東港城一樓展廊
睇完前哨戰當然未夠，接住就係《東港城x變形金剛–基地保衛戰》展覽。以變形金剛G1故事為藍本而創作嘅 3,000呎基地，聳立 3米高博派領袖柯柏文與狂派領袖麥加登。場內更集展覽、pop-up store、互動遊戲於一身，讓大小朋友一同全情投入於變形金剛G1嘅世界之中。逢星期五、六、日及公眾假期，場內更設置變形金剛G1經典玩具試玩區，擺放了多款80年代瘋魔全球嘅變形金剛G1經典玩具，讓小朋友即場試玩，感受變形金剛 G1 魅力。
《東港城x變形金剛–基地保衛戰》實景裝置
日期：2016年 11月19日至12月27日
地點：東港城一樓展廊
相關影片:
