近年興食份子料理，真見嘅未必係事實，事實又未必係真相。就好似今日我依莉詩去試食嘅燒賣蝦餃一樣，竟然係甜嘅！
麵包鋪變甜品店
著名電視人蔡和平先生開設嘅 A La Bakery 一向以法式 Croissant 牛角包、蝴蝶酥及馬卡龍聞名，外表看似一間麵包店，但新係牛頭角淘大商場新店內設有多個坐位，仲可以食外表滿分嘅創意甜品添！
▲ 淘大新店除咗有牛角包、蝴蝶酥同馬卡龍，仲有多款堂食甜品添！
▲ 點心
兩粒「蝦餃」同「燒賣」放係蒸籠入面，外表同粵式茶樓點心無異，但一咬落去就會發現，「燒賣」原來係熱情果芝士蛋糕，十分軟滑，更帶啖啖果香，而「蝦餃」就係荔枝奶凍，透明薄皮包住奶凍，兩層口感。
▲ 「燒賣」嘅外型十足，但一切開就原形不露了。
▲ A La Garden
以開心果蛋糕作「泥土」，上面放上朱古力及雜莓做成嘅「石頭」，再加上兩隻蝴蝶，似藝術品多過食物。最底層嘅奶凍充滿花香，好似置身花園一樣。
▲奇味蛋
奇味蛋嘅外貌不太討好，但中間嘅芝士蛋糕以酸薑醬及皮蛋造成，味道充滿層次，加埋旁邊嘅法式蛋白糖霜脆餅多了一層口感。
▲ 熊出沒注意
熊掌其實係榛子朱古力蛋糕，襯熱切開仲有機會有流心效果架！
依莉詩：「被外表欺騙了！」
揀甜品好多時候都係先被外表吸引，呢度嘅甜品外型就夠晒特別。望到籠點心都估唔到係芝士蛋糕同奶凍呢！味道係其次，打卡才是重點嘛！
A La Bakery
地址：香港九龍牛頭角道77號淘大商場一期地下G113號舖
查詢：2121 1118
