秋天又到，迪欣湖嘅美人樹開花了，大東山嘅芒草變得金黃了，證明又係露營、野餐嘅好時機。對於咖啡精嚟講，係大自然美景飲一杯香濃咖啡簡直係賞心樂事。亦因如此，近年愈嚟愈多便攜式咖啡壺面世，而今日就由我依莉詩介紹下呢個 Staresso 迷你攜帶型咖啡機啦！
呢個便攜式咖啡壺其實已經係第二代，外型變得更簡約，加上粉紅、青綠嘅新色應該會吸引熱愛運動嘅朋友。至於用法，Staresso 同 MiniPresso 類似，都係分開多個組件，以手動方式壓出濃縮咖啡。Staresso 主要分為上半萃取杯組 及 下半部咖啡杯組。只要加入咖啡豆磨成嘅粉或雀巢粉囊，再係水箱加入熱水，經過 10多下嘅手動按壓，無需濾紙都可以沖出濃縮咖啡。
▲ Staresso 分拆成多個組件，大部份都以轉動拆開或組合。
▲ 首先用粉勺取適量咖啡粉倒入粉杯，再輕輕將粉壓平，並組合到上半部組件。
▲ 然後加入 80g 熱水到水箱。
▲ 再將加壓桿旋轉拉出，並重覆用力向下按壓 10-20下。
▲ 咖啡會一下一下被擠出，起初壓力很大，需要好大力，往後會愈來愈小，直到擠唔出咖啡。
▲ 大約 5分鐘就完成一杯香濃嘅咖啡了。
Staresso 唔使用電，又唔使用濾紙，幾個步驟，就可以沖到一杯香濃咖啡，十分方便。壓力桿同上一代一樣，可以伸縮，減小了佔用空間，不過要轉多轉幾圈先會彈出，有點奇怪，而且都需要幾用力先可以擠出咖啡。如果中沒壓到底，轉開時有機會被殘留嘅水燙到，所以清洗先要小心。加上組件比較多，清潔起嚟都幾複雜，隨時比係沖咖啡還要耐呢！但對咖啡有要求，又愛大自然嘅朋友，相信都係一件好物吧！
相關影片:
Staresso 迷你攜帶型咖啡機
售價：$450
查詢：AvidCoffee (5171 3637)
芬蘭推 AI 調配咖啡 4 種咖啡豆混合出奇地好喝
