天氣愈來愈凍，手都凍到唔想洗，仲話要落妝洗面真係牙都震。相信大家都尋求緊最快捷嘅落妝同洗面方法。呢個時候洗面機就大派用場，但到底旋轉定聱波震動嘅洗面機比較好用呢？我依莉詩今次特意借來了 2部功能簡單、性價比較高嘅洗面機做比併。睇睇會係 TONYMOLY音速震動潔面刷 定 Karuizawa Beauty 面部潔膚儀 比較好啦！
TONYMOLY 比較輕巧，用落唔會手攰，不過手柄比較好纖幼，而且呈方形，未算好揸手。而刷頭由 150,000條纖細軟毛組成，質感非常軟熟，潔面時感覺好滑，比起旋轉刷頭頭溫和，但刷毛較厚，比較難乾透。價格方面，一般聲波震動洗面機都比較便宜，TONYMOLY 亦唔使 $300 ，價格合理。
▲ 比起旋轉式洗面機，聲波震動洗面機一般都較輕巧，而且便宜。
▲ TONYMOLY 使用 1粒 AAA電，避免用用下無電嘅煩惱。
TONYMOLY 功能上比較簡單，只有 1 種速度調校，而且沒有潔面時間提示或按摩等功能，所以使用時要自己計時。聲波震動嘅一大好處就係減少拉扯皮膚嘅機會，清潔時亦比較溫和，唔會有刺痛感或不適。雖然聲波震動幾乎唔會起泡，但用防水眼線筆畫係手背，1分半鐘左右，震震下就可以完全清洗乾淨。
▲ 1分半鐘左右，震震下就可以將防水眼線完全清洗乾淨。
▲ 不過用完一次後刷頭已經灰灰的洗唔甩。
優點:
缺點:
Karuizawa 係之前試過嘅洗面機當中相對輕巧，手柄亦比較短，與刷頭呈 90度，用落好順手。而刷頭比較細，眼角、T字位都可以接觸到。刷毛比較長，雖然無 TONYMOLY 咁厚同柔軟，但唔會拮手。不過灰色刷毛好難知道有無污穢，所以要記得定期更換。
▲ 一套連 3個刷頭，可以定期更換。
▲ Karuizawa 使用 2粒 AAA電，同樣避免用用下無電嘅煩惱。
講到清潔力，旋轉刷頭可以直接接觸毛孔細位，當然更強，不過就唔可以用得太密或太用力，唔係好易做成損傷。揀刷頭亦好重要，刷毛要幼而柔軟，先唔會咁易敏感。而 Karuizawa 濕水後刷毛雖然無 TONYMOLY 咁舒服，但都唔會拮手。至於清潔效果，係 1分鐘內已經可以將防水眼線完全清洗，而且打出好多灰色泡泡。
▲ 1分鐘內已經可以將防水眼線完全清洗，污垢亦由灰色泡泡帶走。
優點:
缺點:
被韓國政府阻撓多年 Apple Find My 功能終於推出有期
雖然洗面機用嚟洗面好方便，不過都唔係咩情況都用得架！使用出錯仲可能會整傷皮膚，要留意以下幾點啦！
面嘅皮膚比較薄，絕對唔可以好似砂紙咁刷，所以用洗面機嘅力度要輕，刷毛貼到皮膚表面就夠，唔好額外施壓。
強力潔膚次數太多可能會令油脂分泌失平衡，皮膚會生長油脂粒、變紅，甚至脫皮，所以要先了解自己皮膚狀況，再決定使用次數。面油分泌較旺嘅人日日用都可以，但如果係乾性皮膚每周使用兩、三次就足夠。另外，每次潔面時間都唔應該過長，基本上每次 1分鐘就夠，過分震動會令面部血管易敏感，令面部泛紅。
冬天一般都比較乾燥，如果過度潔面會沖走面油，破壞油脂層，用後若無做好保濕，皮膚會變得更乾，甚至脫皮，所以盡量唔好日日用。
唔少人以為爆瘡係洗面唔夠徹底，於是就密密用洗面機清潔。其實洗面時，暗瘡細菌有機會經過刷頭傳落其他皮膚表面，令其他地方都生暗瘡，而且膿頭可能會因此破損，製成傷口，所以暗瘡、敏感或濕疹皮膚者都不宜使用。
洗面機同毛巾一樣都係貼身用品，唔應該用其他人一齊用，而且需要每 1-2個月更換一次刷頭，避免滋生細菌。
洗面機其實係輔助，真正具清潔功能嘅其實係潔面乳，所以要配合溫和嘅潔膚產品使用，千奇唔可以使用含果酸洗面乳，否則會引致過度刺激，做成皮膚敏感。亦因為洗面機能做到深層清潔，所以事後記得做好保濕，勤敷 mask。
▲ 使用洗面機後可以使用，如 Deep Toner 深層平衡液 等無酒精及無油份嘅化妝水加強保濕。
對於日日化妝嘅我嚟講，洗面機可以話係每晚落妝嘅好拍檔。不過好多時洗面機原理同外型一樣，效果都未必一樣理想，所以最重要都係揀啱適合自己嘅刷頭，咁就能夠做到不傷皮膚，又可以徹底清潔。至於洗面機價格高低，其實大多取決於分段提示、按摩等附加功能，如果要求唔高，平平地一部已經好夠用。
| TONYMOLY | ||
| 清潔方式 | 震動 | 旋轉 |
| 清潔效果 | ★★★★☆ | ★★★★☆ |
| 刷毛觸感 | ★★★★★ | ★★★☆☆ |
| 把手觸感 | ★★★☆☆ | ★★★☆☆ |
| 起泡能力 | ★★☆☆☆ | ★★★★☆ |
| 重量 | 輕巧 | 輕巧 |
| 跟機刷頭 | 1個 | 3個 |
| 刷頭選擇 | 1種刷頭 | 1種刷頭 |
| 刷頭耐用 | ★★☆☆☆ | ★★★★☆ |
| 使用提示 | 無 | 無 |
| 速度控制 | 1 種速度調校 | 2 種速度調校 |
| 供電方式 | 1 粒 AAA電池 | 2 粒 AAA電池 |
| 參考價 | $298 | $634 |
查詢：
TONYMOLY 音速震動潔面刷： TONYMOLY (2790 0781)
Karuizawa Beauty 面部潔膚儀：豐澤 (2555 5788)
被韓國政府阻撓多年 Apple Find My 功能終於推出有期
