不一樣的心思！5款客製化禮物推介

要顯得禮物有心思同誠意，但自問手工錯，唔想 DIY 的話，客製化嘅禮物就係最好選擇。雖然今年聖誕未必訂得切，不過諗定生日禮物、情人節禮物就差唔多啦。今日我依莉詩就推介 5款既實用又特別嘅客製化禮物畀大家，話唔定佢會鍾意呢！

1) 掛住你木衣架

天氣凍，室外要著褸，入屋要除褸。有個衣架掛住件褸就最啱，如果送一個有對方名嘅衣架被佢就一定日日掛住你啦！

▲ 呢款木衣架用鐳射切割機切出英文名，比起一般刻名更有美感，就算唔掛衫，做裝飾一樣靚。

2) 生活時刻座檯月曆

臨迎年尾，又係做回顧嘅時候，睇番一年嚟嘅相有住好多共同回憶。如果製成月曆放係枱頭，變成「明年今日」嘅回憶，都幾浪漫丫！

▲ 年尾，唔少打印服務網站都會推出新款嘅排版，只要上載相片就會自動幫你製成月曆，非常方便。

3) 升級再造 CAN WATCH

升級再造係將一啲大家棄置嘅廢物改造和再創造，賦予新嘅用途，變成有價值又渙然一新嘅產品。而呢款手錶不但用可口可樂罐製成，皮帶都可以自己選擇，大家喺慶祝節日之餘都不忘環保。

▲ 你仲可以自己設計錶帶上面嘅圖案添！

4) 食你落肚馬卡龍

對女仔嚟講，甜品永遠都係摯愛，馬卡龍更加係品味象徵。如果每一粒都印有自己嘅相，你又捨唔捨得食呢？

5) 贈你名言皮書籤

一張靚嘅書籤完全可以散發一個人嘅氣質，而呢款書籤帶比較傳統紙或木或金屬書籤一片片嘅設計方便不擋字，小皮牌上更可以刻上喜歡嘅字句，為閱讀加添一點小新意。

 

訂製客製化禮物注意事項

1) 睇評語估品質

唔少人都會選擇上網訂客製化禮物，不過就算係同一類嘢，手工都未必一樣好，所以最好都係睇清楚評語先訂。好似手機殼或者相片砌圖呢啲大路嘢，淘寶隨時有過百選擇，如果要講質素，我建議都係搵番啲手作小鋪，大部份都比較有心做，而且全手工，比較有保證。

2) 早一個月訂最安全

客製化禮物唔係話訂就有，訂之前最好睇清楚出貨日期。一般都要 7-14個工作天先完成。特別係訂小鋪作品，通常人手比較少，但大時大節前都會比較多訂單，要趕得切送禮，最好就做一個月預訂。

3) 睇清相片解像度

客製化禮物多數都要上載自己嘅相或者文字，要睇清楚店家嘅要求，例如相片解像度或者文字長度等。如果因為相片解像度不足，印到矇晒就唔好啦！

4) 海外訂單郵費高

唔係話香港無好嘅手作人，不過要去到商品嘅台灣、日本等一定較多，不過買之前記得留意郵費，海外的話都要幾十蚊至幾百蚊，隨時貴過禮物本身架！

5) 手作網站多選擇

要買客製化禮物仲有好多選擇，好似 Think Of A Style 、Pinkoi 等網站就集合咗世界各地嘅手作人嘅得意作品，得閒可以去尋下寶啊！

 

查詢：

1) KKwoodmaker  $150-350 (9328 7107)

2) Fotomax $126 (3189 1608)

3) Alchemist Creations $780 (info@alchemisthk.com)

4) Selfie Cafe $398 (6620 7240)

5) Flame微光 $65 (flamebystephandben@gmail.com)