下下都要等到星期五先有得 Happy Friday，唔想捱咁耐？唔駛怕，快活谷等緊你。嚟緊 4月20、26日及5月3 日，三個Happy Wednesday 嘅 Digital Night 會透過嶄新科技為你帶來數碼化嘅賽馬娛樂體驗，欣賞連場精彩賽事之餘，仲有連串時尚、刺激及數碼化活動！
嚟到馬場，點可以得個睇字？只要戴上 VR 裝置，坐上虛擬座騎，就可以一嘗做騎師嘅滋味。無論畫面或者操作方法像真度都極高，帶來第一身策馬體驗。咁刺激嘅遊戲點可以自私玩，你仲可以搵埋同行嘅朋友對決一下，一齊爭取最高名次，有得玩之餘仲有獎品！
除咗虛擬座騎之外，當然仲有不少活動值得推介！平時「閒人免進」嘅馬場重地，喺 Digital Night 就會開放俾大家用 VR 裝置參觀，有騎師梁家俊做嚮導，帶你 360° 暢遊馬場；如果你自認係影相擺甫士嘅高手，只要模仿騎師擺出唔同嘅策騎甫士，即場製作GIF有趣動畫，上載至Facebook或Instagram並加上指定標籤 就有機會贏大獎！仲有至激數碼跑馬仔，你只要在手機屏幕上挑選你的心水愛駒，再來一場數碼化模擬激鬥。
派對當晚玩各式各樣現場遊戲有機會贏得Samsung VR Gear、24”Samsung 全高清曲面顯示器、65″Samsung SUHD 量子點電視 ，獎品總值高達$5萬 !
開 Party 點可以冇音樂？今年 Digital Night 就邀請到曾經策騎香港短途馬王「精英大師」嘅傳奇退役騎師高雅志嘅寶貝女
Kat Coetzee ，帶埋佢隊 Band 嚟到快活谷，為大家帶來一連串激情音樂演出，保證大家有馬睇又有歌聽，滿足晒視聽享受。有 Game 玩，有 Show 睇，咁開心嘅活動當然吸引啦，但係玩到肚餓又點算呢，唔通要離場咁掃興咩！大會有見韓食潮流持續高企，所以徇眾要求，今次再度推出多款美味韓食，炸雞、拌飯、炒年糕，你噏得出嘅韓食都有，可以邊玩邊食最地道嘅韓食文化。
Digital Nights 活動
舉行日期： 4 月 20 日(星期四) / 4 月 26 日 / 5 月 3 日 (星期三)
地點: 跑馬地馬場
首場賽事：7:15pm
公眾席入場費：HK$10
詳情：點按此
*密切留意 Unwire.hk Facebook 即將送出免費入場券、啤酒及韓式美食Set
